АЛАМҮДҮН АЙЫЛДЫК КЕҢЕШИНИН ТОКТОМУ

2023-жылдын 10-апрели № 149-28

Аламүдүн айыл аймагында жеке турак жай куруу үчүн жер участогунун аянтынын өлчөмүн бекитүү жөнүндө

          Аламүдүн айыл өкмөтүнүн башчысы Н.А.Колбаевдин 2023-жылдын 10-апрелиндеги № 12 Аламүдүн айыл аймагында жеке турак жай куруу үчүн жер участогунун аянтынын өлчөмүн бекитүү жөнүндө катын угуп жана талкуулап, ошондой эле 1999-жылдын 2-июнундагы № 45 Кыргыз Республикасынын  Жер кодексинин 18-беренесинин 3, 4-пунктарына ылайык Аламүдүн айылдык кеңешинин сессиясы

 ТОКТОМ КЫЛДЫ:

1. Аламүдүн айыл аймагынын тургундары үчүн жеке турак жай курууга (ЖТК) жаңыдан берилген жер участогунун аянтынын өлчөмү - 0,05 га болуп бекитилсин. 

2. Мурда бөлүнүп берилген жер мунапысы колдонулууга тийиш болгон жер участокторунун аянтынын өлчөмү укук белгилөөчү документтерге ылайык өзгөртүүсүз калтырылсын.

3. Ушул токтом Аламүдүн айыл өкмөтүнүн www.alamudun.kg расмий веб-сайтына жарыялансын. 

4. Ушул токтом Кыргыз Республикасынын Чүй облусунун Юстиция башкармалыгында каттоодон өткөрүлсүн.

5. Ушул токтомдун аткарылышын контролдоо Аламүдүн айыл өкмөтүнүн башчысы Н.А. Кольбаевге жүктөлсүн.