ҮЧ-ТЕРЕК АЙЫЛДЫК КЕҢЕШИ

ТОКТОМ

Үч-Терек айыл аймагынын айылдык кеңешинин VIII чакырылышынын кезектеги XXIX сессиясынын

2024-жылдын 30-июлу  №260

“Үч-Терек айыл өкмөтүнүн 2022-2026-жылдардагы орто мөөнөттүү социалдык -экономикалык өнүгүү программасын ишке ашырууда инвестицияларды тартуу үчүн өздүк салымын бекитүү жөнүндө”

          2025-жылга карата Республикалык дем берүүчү (үлүштүк)грантка сунуш кылына турган “Жетиген айылындагы № 21 ”Баластан” балдар бакчасынын алдына күндөн коргоочу навес жана балдар ойноочу аянтча куруу ” долбооруна 176098(бир жүз жетимиш алты миң токсон сегиз )сом акча каражатын жана “Үч-Терек жана Жетиген айылындагы машыгуу залдарына керектүү спорт шаймандарын сатып алуу ” долбоорунун өздүк салымы катары 506639(беш жүз алты миң алты жүз отуз тогуз )сом акча каражатын, жергиликтүү бюджеттин эсебинен бекитип берүү жөнүндөгү, Үч-Терек айыл өкмөтүнүн башчысы А.Байсабаевдин сунушун угуп жана талкуулап, Үч-Терек айылдык кеңешинин кезектеги XXIX сессиясы токтом кылат:

          1. Үч-Терек айыл өкмөтүнүн 2024-жылга каралуучу жергиликтүү бюджетинен, 2025-жылга карата:

- Республикалык дем берүүчү(үлүштүк) грантка сунуш кылына турган “Жетиген айылындагы № 21 ”Баластан” балдар бакчасынын алдына күндөн коргоочу навес жана балдар ойноочу аянтча куруу ” долбооруна 176098(бир жүз жетимиш алты миң токсон сегиз )сом акча каражаты;

-Токтогул Өнүктүрүү фондусуна сунуш кылына турган “Үч-Терек жана Жетиген айылындагы машыгуу залдарына керектүү спорт шаймандарын сатып алуу ” долбоорунун өздүк салымы катары 506639(беш жүз алты миң алты жүз отуз тогуз)сом акча каражаты, Үч-Терек айыл өкмөтүнүн 2024-жылга каралуучу жергиликтүү бюджетинен бөлүнүп берилсин.

        2. Бекитилген акча каражатын камсыздоо боюнча Токтогул райондук каржы бөлүмү менен иш жүргүзүү жагы Үч-Терек айыл өкмөтүнүн ФЭБ башчысы К.Көкөевге милдеттендирилсин.

        3. Токтомдун аткарылышын камсыз кылуу жагы Үч-Терек айыл өкмөтүнүн башчысы А.Байсабаевге милдеттендирилсин.

         4. Бул токтомду мыйзамда каралган тартипте каттоого алуу жана Үч-Терек айылдык кеңешинин веб сайтына жайгаштыруу жагы, жооптуу катчы Ч.Үметалиевага милдеттендирилсин.

           5. Токтом мамлекеттик тилде гана кабыл алынды.