ЖАРГЫЛЧАК АЙЫЛ АЙМАГЫНЫН ЖЕРГИЛИКТҮҮ КЕҢЕШИ
2024жылдын 28-ноябры №2.
Кыргыз Республикасынын III Элдик Курултайга делегаттарды шайлоо боюнча өкүлчүлүктүү жыйындарды өткөрүүнү уюштуруу жөнүндө.
Кыргыз Республикасынын Президентинин 2024-жылдын 20-сентябрындагы “Кезектеги III Элдик Курултайды өткөрүү жөнүндө” № 271 Жарлыгы, Кезектеги Элдик Курултайга делегаттарды шайлоону координациялоо боюнча уюштуруу комитетинин жыйналышынын № 2 протоколу, ушул меселе боюнча Кыргыз Республикасынын Президентинин Ысык-Көл облусундагы ыйгарым укуктуу өкүлүнүн 2024-жылдын 8-октябрындагы № 272 тескемесин аткаруу максатында Жаргылчак жергиликтүү кенеши токтом кылат:
- Кыргыз Республикасынын Кезектеги III Элдик Курултайы 2024-жылдын 20-декабрында Бишкек шаарына чакыртылганы эске алынсын жана биринчи Элдик Курултайга айыл аймагы боюнча эки делегат шайлана тургандыгы белгиленсин.
- Жаргылчак айыл аймагынын Кыргыз Республикасынын Элдик Курултайына делегатты шайлоо өкүлчүлүктүү жыйыны 2024-жылдын 7-декабрына саат 10-00гө Даркан айылдык маданият үйүнө чакырылсын.
- Жаргылчак айыл аймагынын Кыргыз Республикасынын Элдик Курултайына делегатты шайлоо айыл элинин санына жараша 100 делегат, анын ичинен Даркан айылынан 37, Жеңиш айылынан 17, Ак-Терек айылынан 22, Кичи-Жаргылчак айылынан 19, Чоң-Жаргылчак айылынан 5 катышуучу өкүл шайланаары белгиленсин.
- Кыргыз Республикасынын Элдик Курултайга делегаттарды шайлоо боюнча өкүлчүлүктүү жыйындарды өткөрүү графиги менен делегаттарды шайлоо боюнча өкүлчүлүктүү жыйындарды уюштуруу жана өткөрү боюнча жумушчу тобу 25 адамдан түзүлсүн жана курамы № 1 тиркемеге ылайык бекитилсин.
- Токтомдун аткарылышын көзөмөлдөө жагын өзүмө калтырамын.
Төрага Т.К.Баякунов.