ЧЕТ-НУРА  АЙЫЛДЫК КЕҢЕШИ

ТОКТОМ

ЧЕТ-НУРА АЙЫЛ АЙМАГЫНЫН АЙЫЛДЫК КЕҢЕШИНИН XXIX ЧАКЫРЫЛЫШЫнын кезектүү I CЕССИЯСЫ

2024-жылдын 27-ноябрындагы №1/4

Чет-Нура айыл аймагынын айылдык кеңешинин III Элдик Курултайга делегат шайлоо боюнча жергиликтүү коомдоштуктардын өкүлчүлүктүү жыйындарды өткөрүү жөнүндө

Кыргыз Республикасынын Президентинин  2024-жылдын  20-сентябрындагы «III Элдик Курултайды өткөрүү жөнүндө» №271  Жарлыгына ылайык,  Чет-Нура айыл аймагынын жергиликтүү коомдоштуктардын өкүлчүлүктүү жыйындарды    өткөрүү максатында, Чет-Нура айылдык кеңешинин XXIX чакырылышынын кезексиз I сессиясы;

ТОКТОМ КЫЛАТ:

1. Кыргыз Республикасынын Президентинин 2024-жылдын 20-сентябрындагы «III Элдик Курултайды өткөрүү жөнүндө» №271 Жарлыгы Чет-Нура айыл аймагында жетекчиликке жана аткарууга алынсын.
2. Чет-Нура айыл аймагынын калкынын саны 6140 болгондуктан жергиликтүү коомдоштуктардын катышуучу өкүлдөрдүнжалпы саны 50 деп бекитилсин.
3. Жергиликтүү коомдоштуктардын өкүлчүлүктүү жыйындарды уюштуруу жана өткөрүү боюнча  жумушчу тобунун курамы №1 тиркемеге ылайык бекитилсин.
4. Жергиликтүү коомдоштуктардын өкүлчүлүктүү жыйындарды өткөрүү  боюнча Чет-Нура айыл аймагында Орто-Саз, Ак-Кыя, Чет-Нура, Орто-Нура, Ак-Булуң, Ийри-Суу, Төш-Булак жана Орук-Там айылдарына калкынын санына жараша гендердик балансты сактоо менен пропорционалдуу шайлансын (№2 тиркемеге ылайык).
5. Чет-Нура айыл аймагында жергиликтүү коомдоштуктардын өкүлчүлүктүү жыйындарды өткөрүү 2024-жылдын 4-5-декабры белгиленсин (№3 тиркемеге ылайык).
6. Элдик Курултайга делегат шайлоо боюнча Чет-Нура айыл аймагынын  жергиликтүү коомдоштуктардын өкүлчүлүктүү жыйынын өткөрүү 2024-жылдын 7-декбары деп белгиленсин (№ 4 тиркемеге ылайык).
7. Ар бир айылдан шайланган жергиликтүү кеңештин депутаттарына, айыл башчыларына жана жумушчу топко жергиликтүү коомдоштуктардын  өкүлчүлүктүү жыйындарды жана чогулуштарды өткөрүү, уюштуруу жагы  милдеттендирилсин. 
8. Ушул токтом каттоодон өткөрүлүп, веб-сайтка жарыялансын жана Кыргыз Республикасынын ченемдик укуктук актыларынын мамлекеттик реестрине киргизүү үчүн Нарын облусунун юстиция башкармалыгына жөнөтүү жооптуу катчы Султанбек уулу Эсенге милдеттендирилсин.
9. Бул токтомдун аткарылышын көзөмөлдөөнү өзүмө калтырамын.