2024-жылдын 30-ноябрындагы № _3____             

Хан-Теңири айыл аймагында өкүлчүлүктүү жыйынды

чакыруу жөнүндө

Хан-Теңири айыл аймагында Элдик Курултайдын делегаттарын шайлоо  үчүн өкүлчүлүктүү жыйын өткөрүүгө, Элдик Курултайдын улуттук кенештин 2023-жылдын 16-декабрындагы №1 чечими менен бекитилген  “Элдик Курултайдын делегаттарын шайлоо тартиби жөнүндөгү жобону” жетекчиликке алып,  жергиликтүү кенеш токтом кылат

1. Хан-Теңири айыл аймагында Элдик Курултайдын делегаттарын шайлоо  үчүн өкүлчүлүктүү жыйын өткөрүү  2024-жылдын  7-декабрына Ново-Вознесеновка айылындагы маданият үйүндө өткөрүү белгиленсин.

1. Хан-Теңири айыл аймагында Элдик Курултайдын делегаттарын шайлоо үчүн өкүлчүлүктүү жыйындын катышуучуларынын саны “Элдик Курултайдын делегаттарын шайлоо тартиби жөнүндөгү жобонун” 7-пунктуна ылайык 10000ден 20000 ге чейинки калкы бар аймактардан 100 адам катышуу боюнча эсепке алынсын.

1. Хан-Теңири айыл аймагында Элдик Курултайдын делегаттарын шайлоо үчүн өкүлчүлүктүү жыйынга катышуучуларды көрсөтүүгө жумушчу топ түзүлсүн. Жумушчу топко төмөндөгүлөр мүчө болуп киргизилишсин:

-       Жумушчу топтун төрагасы –жергиликтүү кенештин төрагасы,

-       Жумушчу топтун катчысы – жергиликтүү кенештин жооптуу катчысы,

-       Жумушчу топтун мүчөлөрү: ар бир айыл боюнча жергиликтүү кенештин депутаттары;

-       Ар бир айылдын айыл башчылары, коомчулуктун өкүлдөрү.

1. Хан-Теңири айыл аймагында айылдардын калкынын санына жараша квота менен катышуучуларынын  саны төмөндөгүдөй бөлүнсүн:

-       Ак-Булак айылы боюнча – 13 делегат;

-       Ак-Булуң айылы боюнча – 14 делегат;

-       Ак-Чий айылы боюнча –  9 делегат;

-       Боз-Учук айылы боюнча - 7 делегат;

-       Жыргалаң айылы боюнча - 6 делегат;

-       Ичке-Жергез айылы боюнча – 12 делегат;

-       Качыбек айылы боюнча – 6 делегат;

-       Ново-Вознесеновка айылы боюнча – 19 делегат;

-       Советское айылы боюнча  - 6 делегат;

-       Токтогул айылы боюнча – 8 делегат.

1. Айыл аймагындагы айылдардагы коомдоштуктардын жыйындарын өткөрүүнүн графиги жана ага жооптуулар 1-тиркемеге ылайык бекитилсин.

1. Айыл аймакта Элдик Курултайдын делегаттарын шайлоо үчүн өкүлчүлүктүү жыйынды даярдоо, өткөрүү жана Элдик курултайдын делегаттарын шайлоого байланышкан чыгымдарга акча каражатын табуу айыл өкмөтүнүн башчысы С.Баракановго жүктөлсүн.