ТӨРТ-ГҮЛ АЙЫЛДЫК АЙМАГЫНЫН ТӨРТ-ГҮЛ

АЙЫЛДЫК КЕӉЕШИ

ТОКТОМ

I - чакырыгынын иреттеги ачык III сессиясы

2025-жылдын 20-январы № 17-7

Төрт-Гүл айылдык аймагынын жергиликтүү өз алдынча башкаруу органдарынын өз ишинин жыйынтыктары жөнүндө жергиликтүү жамааттын алдында отчет берүүсүнүн Регламенти

Кыргыз Республикасынын Министрлер Кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттигинин буйругу менен бекитилген жергиликтүү өз алдынча башкаруу органдарынын жергиликтүү жамаатка өз ишинин натыйжалары жөнүндө отчетун берүүнүн типтүү жобосунун негизинде Кыргыз Республиканын 2024-жылдын 30-сентябрындагы № 01-25/267 буйругу менен бекитилген; этика, регламент жана мандат боюнча туруктуу комиссия жөнүндө буйругунун негизинде Төрт-Гүл айылдык кеңештин,кеңештин регламенти, депутаттык этика жана мандат боюнча туруктуу комиссиясынын төрагасы Х.А.Лепшаковдун 2025-жылдын 16-январындагы № 1 корутундусун угуп маалыматын угуп жана талкуулап; Кыргыз Республикасынын «Жергиликтүү мамлекеттик администрация жана жергиликтүү өз алдынча башкаруу органдары жөнүндө», «Жергиликтүү кеңештердин депутаттарынын статусу жөнүндө», «Маалыматка жетүү укугу жөнүндө» мыйзамына ылайык

Төрт-Гүл айыл аймагынын Кеңеши

ТОКТОМ ЧЫГАРАТ:

1. Төрт-Гүл айыл аймагынын жергиликтүү өз алдынча башкаруу органдарынын (өкүлчүлүктүү жана аткаруу бийлигинин) жергиликтүү жамаатка өз ишинин натыйжалары жөнүндө отчетун берүү жобосу тиркемеге ылайык бекитилсин.

Жооптуу катчы бул токтомду Кыргыз Республикасынын Ченемдик укуктук актыларынын мамлекеттик реестрине киргизүү үчүн Кыргыз Республикасынын Чүй-Бишкек Юстиция башкармалыгына каттоого жиберсин.

Бул токтомдун аткарылышын көзөмөлдөө айылдык кеңештин орун басары Коешев Кудайберди Бектургановичке жүктөлсүн.

Төрт-Гүл айылдык аймагынын, шаарынын жергиликтүү өз алдынча башкаруу органдарынын өз ишинин жыйынтыктары жөнүндө жергиликтүү

жамааттын алдында отчет берүүсүнүн

Регламенти

1.     Жалпы жоболор

2. Жергиликтүү кеңештин депутатынын шайлоочулардын алдында отчетун уюштуруунун жана берүүнүн тартиби

3. Жергиликтүү өз алдынча башкаруунун аткаруу органынын башчысынын жергиликтүү өз алдынча башкаруунун өкүлчүлүктүү органынын алдында отчетторун уюштуруунун жана өткөрүүнүн тартиби

4. Жергиликтүү өз алдынча башкаруу органдарынын ишинин жыйынтыктары жөнүндө маалымат берүүнүн тартиби

Бул Типтүү регламент (мындан ары – Регламент) Кыргыз Республикасынын Конституциясынын, “Жергиликтүү мамлекеттик администрация жана жергиликтүү өз алдынча башкаруу органдары жөнүндө”, “Жергиликтүү кеңештердин депутаттарынын статусу жөнүндө”, “Маалыматка жетүү укугу жөнүндө” Кыргыз Республикасынын мыйзамдарынын жоболорун камтыйт жана “Кыргыз Республикасынын ченемдик укуктук актылары жөнүндө” Кыргыз Республикасынын Мыйзамынын жана Кыргыз Республикасынын башка ченемдик укуктук актыларынын негизинде иштелип чыкты.

1-глава. Жалпы жоболор

1.1. Төрт-Гүл айылдык аймагынын жергиликтүү өз алдынча башкаруу органдарынын отчет берүүсүнүн Типтүү Регламенти – бул жергиликтүү кеңештин токтому менен бекитилчү акт, ал жергиликтүү кеңештин депутаттарынын шайлоочулардын алдында отчет берүүсүнүн тартибин, жергиликтүү маанидеги маселелерди чечүүнүн жыйынтыктары жөнүндө жергиликтүү өз алдынча башкаруунун аткаруу органдарынын башчыларынын отчет берүүсүнүн тартибин регламенттештирет.

1.2. Жергиликтүү өз алдынча башкаруу органдарынын ачык-айкындуулугун жана отчеттуулугун камсыз кылуу, жергиликтүү жамаатты талкуу процессине тартуу, ошондой эле жергиликтүү өз алдынча башкаруу органдарынын иши жөнүндө тургундарды маалымдоо ушул Типтүү Регламенттин максаты болуп саналат.

1.3. Типтүү Регламент Кыргыз Республикасынын жарандарынын жана жергиликтүү жамааттарынын конституциялык укуктарын коргоо принциптерине негизделип, алардын жергиликтүү өз алдынча башкаруу органдарынын иши, жергиликтүү маанидеги маселелерди чечүү, калкка сапаттуу кызмат көрсөтүү жөнүндө ишенимдүү жана толук маалыматты өз убагында алуу укугун, ошондой эле жергиликтүү маанидеги маселелер боюнча чечимдерди кабыл алуу процессине катышуу укугун камсыз кылат.

1.4. Төрт-Гүл айылдык аймагынын жергиликтүү өз алдынча башкаруу органдары мамлекет жана анын органдарынын алдында мыйзамдардын аткарылышы үчүн, ал эми жергиликтүү жамааттын алдында — өз ишинин жыйынтыктары үчүн жооптуу болушат.

1.5. Төрт-Гүл айылдык аймагынын жергиликтүү өз алдынча башкаруу органдары жергиликтүү маанидеги маселелерди чечүүнүн жыйынтыктары боюнча тиешелүү аймактын жергиликтүү жамаатына отчет берет.

1.6. Жергиликтүү жамааттар коомдук жана мамлекеттик турмуштун маселелерин, ошондой эле жергиликтүү маанидеги маселелерди жергиликтүү жамааттын мүчөлөрүнүн жыйындарында (чогулуштарында) жана курултайларында талкуулоо формасында жергиликтүү өз алдынча башкарууну жүзөгө ашырууга катышат.

1.7. Төрт-Гүл жергиликтүү кеңешинин депутаты өз округунун шайлоочуларынын алдында жооптуу жана аларга отчет берет.

1.8. Төрт-Гүл жергиликтүү кеңешинин депутаты маал-маалы менен, бирок жылына бир жолудан кем эмес жолу өз иши жөнүндө шайлоочулардын жана жарандардын жамааттарынын алдында отчет берип турууга милдеттүү.

1.9. Айыл өкмөтүнүн башчысы жергиликтүү бюджеттин долбоорун шаардык/айылдык кеңешке бекитүүгө берет, жергиликтүү маанидеги маселелердин жана бюджеттин аткарылышы, ошондой эле муниципалдык менчиктин пайдаланылышы жөнүндө жергиликтүү кеңештин алдында отчет берет.

2-глава. Жергиликтүү кеңештин депутатынын шайлоочулардын алдында отчетун уюштуруунун жана берүүнүн тартиби