Нарзан айылдык кеңешинин 2025-ж. 17.01 № 01-3/12 Токтомуна 1-тиркеме

Нарзан айылдык аймактын

жергиликтүү жамаатынын

Типтүү уставы

I.  Жалпы жоболор

II.  Жергиликтүү өз алдынча башкаруу органдары жана жергиликтүү маанидеги маселелер

III. Жергиликтүү жамааттын жергиликтүү өз алдынча башкарууну жүзөгө ашырууга түз катышуу формалары

IV.  Жергиликтүү жамааттын жергиликтүү маанидеги маселерди чечүүгө катышуусу

VI.  Жергиликтүү өз алдынча башкаруунун экономикалык негиздери

VI.  Корутунду жоболор

I. Жалпы жоболор

1. Жалпы жоболор

1.1. Нарзан айыл аймагынын жергиликтүү жамаатынын Уставы - жергиликтүү жамааттын жыйындарында (чогулуштарында) же курутайларында талкуунун жыйынтыгы менен айылдык кеңештин токтому аркылуу бекитилүүчү, жергиликтүү жамааттын ич-ара жашоо-турмушун негизги эрежелерин жана принциптерин жөнгө салуучу, жергиликтүү жамааттардын мүчөлөрүнүн укуктарын жана милдеттерин кароочу, жергиликтүү жамааттардын бюджеттик процесстерге катышуусун кошкондо жергиликтүү маанидеги маселелерди жана Кыргыз Республикасынын мыйзамдары менен жөнгө салынбаган жергиликтүү өз алдынча башкаруу ишинин башка маселелерин чечүүдө жергиликтүү жамааттын мүчөлөрүнүн бири бири менен жана жергиликтүү жамааттын жергиликтүү өз алдынча башкаруу органдары менен өз ара мамилелеринин тартирбин кароочу акт болуп саналат.

1.2. Ушул Устав Нарзан айыл аймагында колдонулат жана өздөрүнүн уюштуруу-укуктук түрлөрүнө карабастан, айыл аймагында иштеп жаткан бардык юридикалык жактар, ошондой эле жеке жактар жана алардын бирикмелери үчүн милдеттүү болуп саналат.

2. Негизги түшүнүктөр жана терминдер