ЖАҢЫ-ЖЕР АЙЫЛДЫК КЕҢЕШИ

ТОКТОМ

Жаңы-Жер айылдык кеңешинин VIII чакырылышынын III- сессиясы

2025-жылдын 16-январы № 11

2023-жылдын 24-фералында Жаңы-Жер айылдык кеңешинин VII-чакырылышынын кезексиз сессиясынын 28 сандуу токтомунун 2-п., 5-п., 7-п. жокко чыгаруу жөнүндө

        Лейлек районунун прокуратурасынын 2024-жылдын 26-декабрындагы   №24/138-01-11-2-01142 сандуу Каршылык билдирүү катынын негизинде, 2023-жылдын 24-фералында Жаңы-Жер айылдык кеңешинин VII-чакырылышынын кезексиз сессиясынын 28 сандуу токтому менен Жаңы-Жер айыл аймагындагы ичүүчү сууну керектөөчүлөрдүн айылдык коомдук бирикмеси “Келечек-Арка” ишканасынын 2023-жылга карата таза суунун тарифи жана башка маселелер бекитилген. Аталган токтомдун 2-п. өз алдынча суу түтүктөрүн кошуп алгандарга  биринчи ирет 1000 сом, экинчи ирет 2000 сом айып пул салынуусу, 5-п. негизги суу түтүктөрүн  талкалаган жана малын суугаргандарга 10 000 сом айып пул салынуусу, 7-п. ичүүчү таза сууну сугат суу катары пайдалангандарга биринчи ирет эскертүү, экинчи ирет 2000 сом айып пул салынуусу белгиленген.

Жаңы-Жер айылдык кеңешинин жогорудагы токтому Кыргыз Республикасынын ченемдик укуктук актыларынын талаптарына ылайык келбегендиктен, токтомдун жогоруда айтылган пунктарын жокко чыгаруу үчүн Жаңы-Жер айылдык кеңеши токтом кылат:

1. Жаңы-Жер айылдык кеңешинин VII- чакырылышынын кезексиз сессиясынын 28 сандуу токтомунун 2-п., 5-п. жана 7-п. ченемдик укуктук актыларынын талаптарына туура келбегендиктен жокко чыгарылсын. Тиркеме: 2023-жылдын 24-фералында Жаңы-Жер айылдык кеңешинин VII-чакырылышынын кезексиз сессиясынын 28 сандуу токтому

1. Токтомдун аткарылышын көзөмөлдөө жагы айылдык кеңешинин Мыйзамдуулукту, укук тартибин сактоо, жарандардын укугун жана кызыкчылыгын коргоо, архитектура, курулуш, транспорт жана экология боюнча туруктуу комиссиясына тапшырылсын.