Н. ИСАНОВ АЙЫЛДЫК КЕӉЕШИ

ТОКТОМ

Н. Исанов атындагы айылдык Кеңешинин №8-чакырылышынын

кезектеги 7- отурумунун сессиясы

2024-жылдын 11-январы № 7-1/1

 “ Н.Исанов атындагы айыл өкмөтүнүн 2024-жылга бюджетин жана 2025-2026- жылдарга бюджеттин болжолун бекитүү жөнүндө”

Н.Исанов атындагы айыл өкмөтүнүн  2024-жылга каралган айыдык бюджети  жана 2025-2026- жылдарга болжолун бекитүү жөнүндөгү маселени  Кыргыз Республикасынын  Бюджет кодексинин  78-бренесинин негизинде иштелип чыгылган Долбоор тиешелеүү мекеме-ишканалардын жетекчилеринин катышуусунда  депутаттардын Н.Исанов атындагы айылдык кеңешинин « Экономика, бюджет, соода  жана ишкердүүлүк »  боюнча туруктуу комиссиясы тарабынан каралган. Ушул каралып чыккан бюджетти Кыргыз Республикасынын  Бюджеттик кодексинин  102-беренесинин  3 пунктуна ылайык  Н.Исанов атындагы айылдык  Кеңеши жалпы кеңеште карап чыгып

Т О К Т О М   К Ы Л А Т:

1. 2024-жылга Н.Исанов атындагы айыл өкмөтүнүн айылдык бюджетинин кирешелери жана чыгашалары  36489,5  миң сом өлчөмүндө  бекитилсин. (тиркеме тиркелет)

   2. 2024-жылдын бюджетинин кирешесиндеги  тамарка салыгынан  262,16 га жер аянтына жеңилдик  берилсин. Тактап айтканда 911 жаран  пенсионер 179,99 га, 415 жаран көп балалуу 49,38 га, 160 жаран мүмкүнчүлүгү чектелгендер 25,53 га, Авган согушунун катышуучусу 15 жаран 2,18 га , Тажик Авган согушунун  катышуучусу  5 жаран 0,89 га , Баткен коогалаңынын  катышуучулары 20 жаран  3,26 га, ЧАЭС   4 жаран 0,93га.  жер аянттарына жеңилдик  берилсин.

           3. 2024- жылга  3782 кожолук такталган, бирок 1531 кожолук  үй салынбай бөлүнүп калгандыгы үчүн таштанды салыгынан бошотулсун. Айыл чарба багытына арналбаган жер салыгын эсептөөдө колдонулуучу К-2 коэффиценти 0,1 эсебинде бекитилсин. Айылдык бюджеттин чыгаша бөлүгү 2024-жылга түшкөн кирешелердин жана гранттардын чегинде, ошону менен бирге биринчи кезекте корголгон беренелер боюнча (эмгек акы, соц. фондко чегерүү, тамак-аш жана коммуналдык кызматтарга) каржылануусу белгиленсин.

   4. Н.Исанов атындагы  айыл өкмөтүнүн 2025-2026- жылдарга айылдык  бюджетинин болжолунун негизги көрсөткүчтөрү № 2,3 тиркемеге ылайык колдоого алынсын. Кирешенин болжолу  2025-жылга  39383,5 миң сомго (республикалык бюджеттен алынуучу граннтар 5288,8 миң сом менен) жана 2026-жылга   42502,5 миң сомго (республикалык бюджеттен алынуучу граннтар  5288,8 миң сом менен) бекитилсин.   Н.Исанов атындагы  айыл өкмөтүнүн 2025-2026- жылдарга айылдык  бюджетинин негизги  көрсөткүчтөрүнүн болжолу жактырылсын.

            5. Атайын каражаттардын кирешесинин сметада бекитилген суммадан  ашкан акча каражаттарын Финансы министирлигинин планына киргиздирип берүү жагы айыл өкмөтүнүн башчысына  жана финансы-экономикалык бөлүмүнүн башчысына милдеттендирилсин.  Айылдык бюджеттик мекмелери казыналыктын регионалдык бөлүмдөрүнөн тышкары, мекеменин кассасы аркылуу атайын каражаттарын чыгымдоого тыюу салынсын.

                6. 2024-жылда  айылдык бюджеттин киреше бөлүгүнүн пландарынан ашыкча аткарылышынан түшкөн каражаттарды  бөлүштүрүү жана өзгөртүү киргизүү  айылдык Кеңешке ыйгарылсын.

            7. Жергиликтүү бюджеттик мекеме-ишканалардын финансалык – экономикалык негиздерин чыңдоо, алардын финансалык мамлекеттик каражаттарды максаттуу, сарамжалдуу пайдалануусун камсыз кылуу жагы айыл өкмөтүнүн башчысына  жана финансы-экономикалык бөлүмүнүн башчысына  милдеттендирилсин.

             8. Бул токтомдун аткарылышы  көзөмөлдүк кылуу жагы депуттардын Н.Исанов атындагы айылдык  Кеңешинин  экономика, бюджет, соода жана ишкердүүлүк  боюнча туруктуу комиссиясы тарабынан көзөмөлгө алынсын.

Н.Исанов атындагы айыл окмотунун 2024-жылга  айылдык  бюджет

(мин сом)