КАНЫШ-КЫЯ АЙЫЛДЫК КЕҢЕШИНИН ТОКТОМУ

Каныш-Кыя айылдык Кеңешинин VII чакырылышынын кезектеги XXX сессиясы

2023-жылдын 14-июлундагы № 5

Токтомго өзгөртүү киргизүү жөнүндө

Каныш-Кыя айыл өкмөтүнүн башчысы Б.Исабековдун 12.06.2023-жылдын №01-19/497 чыгыш сандуу кайрылуусунун 3-пунктунда Каныш-Кыя айылдык кеңешинин VII чакырылышынын кезектеги XXVIII сессиясынын №3 токтомуна өзгөртүү киргизүү жөнүндө кайрылуусун карап жана талкуулап Каныш-Кыя айылдык Кеңешинин VII чакырылышынын кезектеги XXX сессиясы Кыргыз Республикасынын 2009-жылдын 2-июлундагы №241 “Кыргыз Республикасынын ченемдик укуктук актылары жөнүндө” Мыйзамын жетекчиликке алып токтом кылат:

1. Каныш-Кыя айыл өкмөтүнүн башчысы Б.Исабековдун 12.06.2023-жылдын №01-19/497 чыгыш сандуу кайрылуусунун 3-пункту эске алынсын.

2. Кыргыз Республикасынын 2009-жылдын 2-июлундагы №241 “Кыргыз Республикасынын ченемдик укуктук актылары жөнүндө”мыйзамынын негизинде Каныш-Кыя айылдык кеңешинин VII чакырылышынын кезектеги XXVIII сессиясынын №3 токтомуна өзгөртүү киргизилсин.

3. Кыргыз Республикасынын 2009-жылдын 2-июлундагы № 241 “Кыргыз Республикасынын ченемдик укуктук актылары жөнүндө” Мыйзамынын негизинде Каныш-Кыя айылдык кеңешинин VII чакырылышынын кезектеги XXVIII сессиясынын №3 токтомунда көрсөтүлгөн - Каныш-Кыя айыл өкмөтүнө караштуу Коргон-Сай айылына таза суу чыгарууга даярдалган долбоор сметанын негизинде 36 847 900 (отуз алты миллион сегиз жүз кырк жети миң тогуз жүз) сомдун 10( он) пайызы 3 684 800 (үч миллион алты жүз сексен төрт миң сегиз жүз) сом, Башкы-Терек айылына таза суу чыгарууга даярдалган долбоор смета 62 512 300 (алтымыш эки миң беш жүз он эки миң үч жүз ) сомдун 10(он) пайызы 6 251 200 (алты миллион эки жүз элүү эки миң эки жүз) сом, Кайың-Суу айылына таза суу чыгарууга даярдалган долбоор смета 55 569 400 (элүү беш миллион беш жүз алтымыш тогуз миң төрт жүз) сомдун 10 (он) пайызы 5 569 400 (беш миллион беш жүз алтымыш тогуз миң төрт жүз) сом жалпысынан 15 505 400 (он беш миллион беш жүз беш миң төрт жүз) сом менен Кайың-Суу айылына таза суу чыгарууга даярдалган долбоор сметанын негизинде жумушун баштоого уруксат берилсин деген сүйлөм – “Каныш-Кыя айыл өкмөтүнө караштуу Коргон-Сай айылына таза суу чыгарууга даярдалган долбоор сметанын негизинде 36 847 900 (отуз алты миллион сегиз жүз кырк жети миң тогуз жүз) сомдун 10( он) пайызы 3 684 800( үч миллион алты жүз сексен төрт миң сегиз жүз) сом Коргон-Сай айылына таза суу чыгарууга, Башкы-Терек айылына таза суу чыгарууга даярдалган долбоор смета 62 512 300 (алтымыш эки миң беш жүз он эки миң үч жүз) сомдун 10(он) пайызы 6 251 200 (алты миллион эки жүз элүү эки миң эки жүз) сом Башкы-Терек айылына таза суу чыгарууга, Кайың-Суу айылына таза суу чыгарууга даярдалган долбоор смета 55 569 400 (элүү беш миллион беш жүз алтымыш тогуз миң төрт жүз) сомдун 10 (он) пайызы 5 569 400 (беш миллион беш жүз алтымыш тогуз миң төрт жүз) сом Кайың-Суу айылына таза суу чыгарууга тиешелүү жумуштарын баштоого уруксат берилсин” . Мыйзамдуулук менен иш алып баруу жагы Каныш-Кыя айыл өкмөтүнүн башчысы Б.Исабековго жүктөлсүн.

4. Бул токтом Кыргыз Республикасынын “Кыргыз Республикасынын ченемдик укуктук актылары жөнүндө” Мыйзамына ылайык Чаткал райондук мамлекеттик администрациясынын расмий www.chatkal.kg маалымат сайтына жарыяланган күндөн тартып күчүнө кирет.

5. Бул токтомду расмий жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү жагы Каныш-Кыя айылдык Кеңешинин жооптуу катчысына милдеттендирилсин.

6. Бул токтомдун аткарылышын камсыз кылуу жагы Каныш-Кыя айыл өкмөтүнүн башчысы Б.Исабековго милдеттендирилсин.