САЛАМ-АЛИК АЙЫЛДЫК КЕҢЕШИ

ТОКТОМ

Салам-Алик айылдык Кеңешинин жетинчи чакырылышынын кезектеги

29-сессиясы

2024-жылдын 17-февралы № 11

Салам-Алик айыл аймагынын кээ бир жарандарына Салам-Алик айыл аймагынын “Ардактуу атуул” наамын ыйгаруу жөнүндө

“Жергиликтүү мамлекеттик администрация жана жергиликтүү өз алдынча башкаруу жөнүндө” Кыргыз Республикасынын Мыйзамынын 34-беренесин жетекчиликке алып, Салам-Алик айыл айылынын 2024-жылдын 10-январындагы № 1-сандуу жалпы элдик жыйынын чечиминин негизинде Салам-Алик айыл өкмөтүнүн кирешелери боюнча жетектөөчө адиси Термечиков Байыш Рысбаевичке, Кыргыз Республикасынын маданиятынын мыкты кызматкери Сабирова Самара Калыбековнага жана 15 жаш айылынын 2024-жылдын 12-январындагы № 2-сандуу элдик жыйынынын чечимине ылайык Ж.Примкулов атындагы орто мектебинин окуу бөлүмүнүн башчысы Кулмурзаев Сеитбек Калмурзаевичке Салам-Алик айыл аймагынын “Ардактуу атуул” наамын ыйгаруу боюнча Салам-Алик айылдык кеңеши

ТОКТОМ  КЫЛАТ

1. Салам-Алик айыл өкмөтүнүн кирешелери боюнча жетектөөчү адиси Термечиков Байыш Рысбаевичке жана Салам-Алик айылынын тургуну, Кыргыз Республикасынын маданиятынын мыкты кызматкери Сабирова Самара Калыбековнага жана 15 жаш айылындагы Ж.Примкулов атындагы орто мектебинин окуу бөлүмүнүн башчысы Кулмурзаев Сеитбек Калмурзаевичке Салам-Алик айыл өкмөтүнүн социалдык-экономикалык өнүгүүсүнө кошкон салымы үчүн жана көп жылдык эмгегин эске алуу менен Салам-Алик айыл аймагынын “Ардактуу атуул” наамын ыйгарууга макулдук берилсин.

2. Токтомду көзөмөлгө алуу жагы Салам-Алик айылдык кеңешинин регламент, мыйзамдуулук, укук тартиби, коомдук уюмдар, жергиликтүү өз алдынча башкаруу, мандат жана депутаттык этика боюнча туруктуу комиссиясына тапшырылсын.