КАШКА-СУУ АЙЫЛДЫК КЕӉЕШИ

ТОКТОМ

 Кашка-Суу   айылдык  аймагынын кеңешинин VII чакырылышынын кезектеги биринчи сессиясы

2024-жылдын 19-январы  № 12

“Калдар-Ата” жоопкерчилиги чектелген коомуна геологиялык чалгындоо иштерин жүргүзүүгө макулдук берүү жөнүндө

Кашка-Суу айыл өкмөтүнүн башчысы Г.Мадалиевдин сунушун угуп, талкуулап Кашка-Суу айылдык аймактык кеңешинин VII чакырылышынын кезектеги биринчи  сессиясы

ТОКТОМ КЫЛАТ:

1.Кашка-Суу айыл аймагынын  “Таш-Булак” участкасында жайгашкан  894,35 га жер аянтына Кыргыз Республикасынын Жер кодексинин 28-3 беренесине жана КР нын жер казынасы жөнүндө мыйзамынын 40-беренесинин 4 пунктуна ылайык Кыргыз Республикасынын жаратылыш ресурстары, экология жана техникалык көзөмөл министрлиги тарабынан берилген  6436 СР лицензиянын ажырагыс бөлүгү болгон               №4 лицензиялык  макулдашууда көрсөтүлгөн мөөнөткө чейин (9-ноябрь 2025-жыл) “Калдар-Ата”  ЖЧК сына “Таш-Булак” участкасынан көмүргө геологиялык чалгындоо жүргүзүүгө макулдук берилсин.

2.Токтомдун аткарылышын көзөмөлдөө  жагы айылдык кеңештин  Жер, турак жай жана жайыт боюнча туруктуу комиссиясына жана айыл башчыларга  тапшырылсын.