Лизинг аркылуу техника алуу жөнүндө

         Кыргыз Республикасынын 2021-жылдын 20-октябрындагы №123 “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамынын 34-беренесин жетекчиликке алып, айыл аймагындагы чарбалык, коммуналдык иштерди жүргүзүү максатында айыл өкмөтүнө лизинг аркылуу эксковатор, водовоз жана Кош-Көл айылынан Тамчы айылына келип окуган окуучуларды ташуу үчүн автобус техникасын алуу боюнча айыл өкмөт башчысынын милдетин аткаруучу Г.Р.Рысалиеванын сунушун карап, талкуулап Эл  депутаттарынын Тору-Айгыр-Тамчы айыл аймагынын жергиликтүү кеңешинин кезексиз бешинчи сессиясы

ТОКТОМ КЫЛАТ:

         1. Айыл аймагындагы чарбалык, коммуналдык иштерди жүргүзүү максатында айыл өкмөтүнө лизинг аркылуу эксковатор, водовоз жана автобус техникасын алууга макулдук берилсин .

          2.Тийиштүү иш кагаздарын даярдоо айыл өкмөт башчысынын милдетин аткаруучу Г.Р.Рысалиевага тапшырылсын.

         3.Токтомдун аткарылышын көзөмөлдөө айыл өкмөт башчысынын милдетин аткаруучу Г.Р.Рысалиевага милдеттендирилсин.

Төрага:                                                                                                                 Н.Т. Иманалиев