АТ-БАШЫ АЙЫЛ АЙМАГЫНЫН АЙЫЛДЫК КЕӉЕШИ

ТОКТОМ

IX чакырылышынын кезексиз VII сессиясы

2025-жылдын 29-апрели № 7-1

2024-жылга жайыттарды пайдалануунун жылдык планынын аткарылышы боюнча “Ат-Башы Тазалык” муниципалдык ишканасынын жайыт адистеринин отчетун угуу жөнүндө

Кыргыз Республикасынын 2009-жылдын 26-январындагы №30 “Жайыттар жөнүндө” Мыйзамынын 4-беренесине ылайык“Ат-Башы Тазалык” муниципалдык ишканасы тарабынан 2024-жыл ичинде жайыттарды пайдалануу боюнча жүргүзүлгөн иштер тууралуу отчетту угуп жана талкуулап, бирок бөлүнгөн акча каражаттарынын пайдаланылышы тууралуу толук кандуу каржылык отчет берилбегенин белгилөө менен Ат-Башы айыл аймагынын айылдык кеңеши

ТОКТОМ КЫЛАТ:

1.“Ат-Башы Тазалык” муниципалдык ишканасынын жайыт адистеринин 2024-жылга жайыттарды пайдалануунун жылдык иш планынын аткарылышы тууралуу отчету угулуп,маалыматы эске алынсын;

2.Муниципалдык ишкананын жетекчилигине жана жооптуу адистерге төмөнкү тапшырмалар берилсин:

а) 2024-жылга пайдаланылган каражаттар боюнча чыгашалардын негиздемеси менен коштолгон финансы отчетун даярдоо;

б) жайыт пайдалануудагы каражаттардын максаттуу жана натыйжалуу пайдаланылышын камсыз кылуу;

в) 2025-жылга карата пландаштырылган иш-чараларга каржылык негиздеме берүү.

3. Бул токтомдун аткарылышын көзөмөлдөө Ат-Башы айылдык кенешинин жер бөлүштүрүү, айыл чарба жана экология боюнча туруктуу комиссиясына жүктөлсүн.