СУУ-БАШЫ АЙЫЛДЫК КЕӉЕШИ

ТОКТОМ

Суу-Башы айыл кеңешинин VIII-чакырылышынын кезектеги VIII-сессиясы

2025-жылдын 24-апрели №69

Суу-Башы айыл аймагына караштуу Бужум айылынын Жаңы-Достук конушунун башкы планын бекитүү жөнүндө

Кыргыз Республикасынын ”Жергиликтүү мамлекеттик администрация жана жергиликтүү өз алдынча башкаруу органдары жөнүндө” 2021-жылдын 20-октябрындагы №123 Мыйзамын жетекчиликке алып, Кыргыз Республикасынын Жер кодексинин 18-беренесине ылайык, Кыргыз Республикасынын Министрлер Кабинетинин 2025-жылдын 9-апрелиндеги №235 тескемесинин, Баткен райондук администрациясынын 2025-жылдын 24-апрелиндеги №01-25/755 сандуу чыгыш катынын жана Суу-Башы айыл аймагынын айылдык кеңешинин жер, айыл чарба жана муниципалдык менчик маселелери боюнча туруктуу комиссиясынын 2025-жылдын 22-апрелиндеги отурумунун корутундусунун негизинде, Кара-Бак айыл аймагынын Достук айылынын жашоочуларын көчүрүп келүү максатында, Суу-Башы айыл аймагынын Бужум айылына Шаар куруу жана архитектура департаменти тарабынан даярдалган 57,0 га жер аянтына Жаңы-Достук конушунун  башкы планын карап чыгып, Суу-Башы айыл аймагынын айыл өкмөтүнүн жер ресурстары жана муниципалдык менчик боюнча адисин угуп жана талкуулап, Суу-Башы айыл аймагынын айылдык кеңеши токтом кылат:

1. Суу-Башы айыл аймагына караштуу Бужум айылынын Жаңы-Достук конушунун  башкы планы бекитилсин.

1. Токтомдун негизинде тиешелүү иш кагаздарын толуктап, өткөрүп алуу жагы    Суу-Башы айыл аймагынын айыл өкмөтүнүн башчысы Д.Макановго   милдеттендирилсин.

3.    Токтом каттодон өткөрүлүп, suu-bashy.gov.kg веб-сайтына жарыялансын жана Кыргыз Республикасынын ченемдик укуктук  актыларынын мамлекеттик реестрине киргизүү үчүн Баткен облусунун юстиция башкармалыгына жөнөтүлсүн.

1. Ушул токтомду көзөмөлгө алуу жагын өзүмө калтырамын.