Евразия экономикалык бирлигинин бажы чек арасы аркылуу товарларды өткөрүүчү жерлер болуп саналган башка жерлерде товарларды өткөрүү учурлары жана тартиби жөнүндө

Кыргыз Республикасынын Мамлекеттик чек арасынын айрым участокторунда товарларды жана транспорт каражаттарын өткөрүүнү тартипке салуу максатында, Евразия экономикалык бирлигинин Бажы кодексинин 10-беренесинин 3-пунктуна, 353-беренесинин 4-пунктуна, “Бажылык жөнгө салуу жөнүндө” Кыргыз Республикасынын Мыйзамынын 11-беренесинин 2-бөлүгүнө, 148-беренесинин 3-бөлүгүнө, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Евразия экономикалык бирлигинин бажы чек арасы аркылуу товарларды өткөрүүчү жерлер болуп саналган товарларды өткөрүүнүн башка жерлери, ошондой эле контролдун мамлекеттик түрлөрүн уюштуруу үчүн зарыл болгон башка жерлерди жайгаштырууга жана материалдык-техникалык жабдууга карата талаптар ушул токтомдун тиркемесине ылайык аныкталсын.

2. Төмөнкүлөр белгиленсин:

1) ушул токтомдун тиркемесинин 1–5-пункттарында көрсөтүлгөн башка жерлер аркылуу товарларды өткөрүүгө төмөнкү учурларда жол берилет:

– Кыргыз Республикасынын аймагында калтырууга мүмкүн болбогон чет өлкөлүк товарларды жана транспорт каражаттарын үчүнчү өлкөнүн аймагынан ошол эле өлкөнүн аймагына Кыргыз Республикасынын аймагы аркылуу өткөрүү;

– Евразия экономикалык комиссиясынын актыларына ылайык бажы алымдарынын жана салыктардын бирдиктүү ставкаларын, ошондой эле жыйынды бажы төлөмү түрүндө алынуучу бажы алымдарын жана салыктарды төлөө менен жеке пайдалануу үчүн товарларды өткөрүү;

2) аларга карата Кыргыз Республикасынын Министрлер Кабинетинин бажы жыйымдарын төлөөдөн бошотуу жөнүндө чечими кабыл алынган же Кыргыз Республикасынын министрликтеринин, ведомстволорунун же Кыргыз Республикасынын Президентинин Кыргыз Республикасынын Баткен облусундагы ыйгарым укуктуу өкүлүнүн кайрылуусу бар товарлар менен чет өлкөлүк транспорт каражаттары, ошондой эле үчүнчү өлкөнүн аймагынан ошол эле өлкөнүн аймагына ушул токтомдун тиркемесинин 1–5-пункттарында көрсөтүлгөн башка жерлер аркылуу өткөрүлүүчү чет өлкөлүк жеңил транспорт каражаттары жана бош жүк ташуучу транспорт каражаттары бажы коштоосун жүргүзбөстөн бажы органы тарабынан товарларды ташуунун маршрутун белгилөө менен ташылат;

3) ушул токтомдун тиркемесинин 6–14-пункттарында көрсөтүлгөн башка жерлерде товарларды өткөрүүгө белгиленген нарктык, салмактык жана (же) сандык ченемдердин чектеринде жеке пайдалануу үчүн жеке жактар тарабынан товарларды өткөрүүдө гана жол берилет;

4) ушул токтомдун тиркемесинин 15-пунктунда көрсөтүлгөн башка жерде “Баткен” бажысында экспорттун бажы жол-жобосуна жайгаштырылган товарлардын төмөнкү түрлөрү гана ташып чыгарылат жана бул товарларды жүктөө үчүн бош жүк ташуучу транспорт каражаттары Кыргыз Республикасынын аймагына кирет:

3. Мамлекеттик чек араны кайтаруу чөйрөсүндөгү ыйгарым укуктуу мамлекеттик орган ушул токтомдун 2-пунктунун 1-пунктчасында көрсөтүлгөн чет өлкөлүк товарларды, ошондой эле жеке пайдалануу үчүн алымсыз ташып келүүнүн белгиленген ченемдеринен ашкан товарларды ушул токтомдун тиркемесинин 6–14-пункттарында көрсөтүлгөн башка жерлер аркылуу өткөрүүгө жол бербөөнү камсыз кылсын. Мындай товарлар ушул токтомдун тиркемесинин 1–5-пункттарында көрсөтүлгөн башка жерлер аркылуу өткөрүү үчүн кайра багытталууга тийиш.

4. Кыргыз Республикасынын Президентинин Кыргыз Республикасынын Баткен жана Ош облустарындагы ыйгарым укуктуу өкүлдөрү ушул токтом күчүнө кирген күндөн тартып алты айлык мөөнөттө ушул токтомдун тиркемесинде көрсөтүлгөн башка жерлерде ишти уюштуруу, зарыл болгон инфраструктураны түзүү жана өнүктүрүү үчүн белгиленген тартипте электр энергиясы жана суу менен камсыздап, мамлекеттик чек араны кайтаруу жана бажы иши чөйрөсүндөгү ыйгарым укуктуу мамлекеттик органдарга жер участокторун берүүнү камсыз кылсын.

5. Ушул токтомдун тиркемесинде көрсөтүлгөн мамлекеттик контролдоо органдары ушул токтомдун 4-пунктунда каралган иш-чаралар аткарылган күндөн тартып үч айлык мөөнөттө бюджеттик каражаттардын чегинде: