САМАРКАНДЕК АЙЫЛДЫК КЕҢЕШИ

ТОКТОМ

Самаркандек айылдык кенешинин VII чакырылышынын кезектеги VIII сессиясы

2025-жылдын 27-августу № 66

Самаркандек айыл өкмөтүнүн аймагында салтанаттуу иш  чараларды коомдук жайларда өткөрүүнүн убактысын чектөө жөнүндө

Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу жөнүндө” 2021-жылдын 20-октябрындагы №123 Мыйзамынын 34-беренесинин 13-пунктун, Кыргыз Республикасынын “Кыргыз Республикасындагы үй-бүлөлүк салтанаттарды жана маркумду эскерүү каада-салттарын тартипке келтирүү чаралары жөнүндө” №54 Жарлыгын, Кыргыз Республикасынын “Тынчтык жөнундө” Мыйзамынын талаптарын аткаруу максатында Самаркандек айылдык кеңешинин жергиликтүү өз алдынча башкарууну өнүктүрүү, жалпыга маалымдоо каражаттары, коомдук уюмдар жана жергиликтүү коомдоштуктар менен байланыш боюнча туруктуу комиссиясынын корутундусуна ылайык Самаркандек айылдык кеңешинин VII чакырылышынын кезектеги VIII сессиясы

                                                    ТОКТОМ КЫЛАТ:

1. Самаркандек айыл өкмөтүнун аймагында салтанаттуу иш чаралар (түрүнө карабастан) коомдук жайларда өткөрүүнүн убактысына чектөө кечки саат 22:00 гө чейин белгиленсин.
2. Самаркандек айыл өкмөтүнун айылдарындагы калкына жана менчик ээлерине белгиленген чектөө киргизилгендиги жайылтылсын.
3. Токтом кол коюлган күндөн баштап күчүнө кирет.

4. Токтомдун аткарылуусун көзөмөлдөө жагы Самаркандек айылдык кеңешинин  жергиликтүү өз алдынча башкарууну өнүктүрүү, жалпыга маалымдоо каражаттары, коомдук уюмдар жана жергиликтүү коомдоштуктар менен байланыш боюнча туруктуу комисиясына ( Эгемова Г.) тапшырылсын.

5. Кыргыз Республикасынын мыйзамдарынын жана Самаркандек айылдык кеңешинин регламентинин талаптарына ылайык ушул токтомду Кыргыз Республикасынын Юстиция министрлигинин ченемдик укуктук актыларынын реестрине каттоо жагы айылдык кеңешинин жооптуу катчысы Н.Орозовго милдеттендирилсин.

6.  Токтом мамлекеттик тилде гана кабыл алынды.

7.  Кабыл алынган ушул токтом samarkandek.gov.kg  сайтында жарыялансын.