Загрузка документа…
КҮМҮШТАК АЙЫЛ АЙМАГЫНЫН АЙЫЛДЫК КЕҢЕШИ
ТОКТОМ
2025-жылдын 4-апрели № 1
Күмүштак айыл өкмөтүнө караштуу айыл чарба багытындагы жерлерин жана айыл чарба мамлекеттик фондусунун (АЧЖМФ) жерлерин ижарага берүү боюнча жер комиссиясынын ишинин регламентин бекитүү жөнүндө
Айыл өкмөтүнө караштуу айыл чарба багытындагы жерлерин жана айыл чарба мамлекеттик фондусунун (АЧЖМФ) жерлерин ижарага берүү боюнча жер комиссиясынын ишинин регламентин бекитип берүү жөнүндөгү Күмүштак айыл өкмөт башчысы З.Надырбаевдин 2025-жылдын 28-мартындагы №02-2/610 чыгыш сандуу кайрылуусун карап чыгып, талкуулап Күмүштак айылдык кенешинин депутаттарынын VI сессиясы;
ТОКТОМ КЫЛАТ:
1. Күмүштак айыл өкмөтүнө караштуу айыл чарба багытындагы жерлерин жана айыл чарба мамлекеттик фондусунун (АЧЖМФ) жерлерин ижарага берүү боюнча жер комиссиясынын ишинин регламенти тиркемеге ылайык бекитилсин (тиркеме 2 баракта тиркелет).
2. Токтомдун аткарылышын камсыздоо жагы айыл өкмөтүнүн башчысына милдеттендирилсин.
3. Токтомдун аткарылышын көзөмөлдөө жагы айылдык кенештин жер, айыл чарбасы, мыйзамдуулукту, укук тартибин сактоо, жарандардын укугун жана кызыкчылыгын коргоо, архитектура, курулуш, транспорт жана экология боюнча туруктуу комиссиясына жүктөлсүн.
Төрага |
| Б. Акматов |
|
| Күмүштак айылдык кенешинин депутаттарынын 2025-жылдын 4-апрелиндеги VI сессиясынын №1 токтому менен бекитилген. |
Талас облусунун Бакай-Ата районунун Күмүштак айыл өкмөтүндөгү айыл чарба мамлекеттик фондусунун жерлерин (АЧЖМФ) ижарага берүү боюнча
Жер комиссиясынын ишинин
РЕГЛАМЕНТИ
1. Жалпы жоболор;
2. Жер комиссиясын түзүү тартиби;
3. Жер комиссиясынын иш милдеттери;
4. Жер комиссиясынын отурумун уюштуруу жана өткөрүү тартиби.
1. Жалпы жоболор:
1.1. Кыргыз Республикасынын Жогорку Кеңешинин 2007-жылдын 29-июнундагы №1997-111 - токтому менен бекитилген «Айыл чарба жерлерин мамлекеттик фондусунун жерлерин» ижарага берүү тартиби жана шарттары жөнүндөгү» типтүү Жобого ылайык жана Кыргыз Республикасынын Өкмөтүнүн 2007-жылдын 22-июнундагы №243 токтомунун негизинде, ошондой эле Кыргыз Республикасынын Өкмөтүнүн 2011-жылдын 23-сентябрындагы №571 бекитилген токтомун жетекчилике алып жана Кыргыз Республикасынын Министрлер Кабинетинин 2022-жылдын 9-сентябрындагы №494 токтомун аткаруу максатында жана Кыргыз Республикасынын башка ченемдик укуктук актыларына ылайык, ушул Регламент ишке ашырылат.
2. Жер комиссиясын түзүү тартиби:
2.1. Айыл чарба жерлеринин мамлекеттик фондусунун жерлерин ижарага берүү максатында айыл өкмөтү 7 адамдан кем эмес санда Жер комиссиясын түзөт. Анын курамына жергиликтүү кеңештин 3 төн кем эмес депутаты кирет.
Айыл өкмөтүнүн башчысы комиссиясынын курамына кызматы боюнча кирет.
Жер комиссиясынын курамына ошондой эле айыл башчылары, коомчулуктун жана коомдук уюмдардын өкүлдөрү кириши мүмкүн.