МАЙЛУУ-СУУ ШААРДЫК КЕҢЕШИ

ТОКТОМ

Майлуу-Суу шаардык кеңешинин Х чакырылышынын

кезекcиз  IV сессиясынын

2025-жылдын  04-август № 4-10-4 

«Майлуу-Суу шаарынын аймактык административдик чек арасынын схемалык картасы жана ага тиркелген чек ара баяндамасына макулдук берүү жөнүндө»

Кыргыз Республикасынын Президентинин 2023-жылдын 29-декабрындагы №370 “Кыргыз Республикасынын айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү жөнүндө” Жарлыгын аткаруу максатында, Майлуу-Суу шаарынын муниципалдык менчик башкармалыгынын 2025-жылдын 23-июлундагы № 01-05/664 сандуу кайрылуусун жана шаардык Кеңештин өнөржай, транспорт, коммуналдык чарба, энергетика, курулуш жана соода-сатык боюнча туруктуу комиссиясынын чечимин талкуулап, депутаттардын сунуштарын эске алып Майлуу-Суу шаардык Кеңештин X- чакырылышынын кезектеги IV сессиясы

ТОКТОМ  КЫЛАТ:

1.         Майлуу-Суу шаарынын муниципалдык менчик башкармалыгынын башчысы И.Батыркуловдун жана депутаттардын сунуштары эске алынсын.

2.         Майлуу-Суу шаарынын аймагынын административдик чек арасынын схемалык картасы жана ага тиркелген чек ара баяндамасына макулдук берилсин.

3.         Бул токтомдун аткарылышы Майлуу-Суу шаарынын мэриясына жана тиешелүү мамлекттик органдарынын шаардык бөлүмдөрүнө тапшырылсын.

4.         Ушул токтом катталсын жана Кыргыз Республикасынын укуктук ченемдик актыларынын Мамлекеттик реестрине киргизүү үчүн Кыргыз Республикасынын юстиция министрлигине жөнөтүлсүн.

5.         Бул токтомдун аткарылышын контролдоо шаардык Кеңештин өнөржай, транспорт, коммуналдык чарба, энергетика, курулуш жана соода-сатык боюнча туруктуу комиссиясына тапшырылсын.