“Кулунду айыл өкмөтүнүн башчысы жана айылдык кеңештин төрагасы үчүн кызматтык автотранспорт каражаттарын лизингге сатып алууга макулдук берүү жөнүндө”

              Жергиликтүү өз алдынча башкаруу органдарынны материалдык базасын чыңдоо максатында, Кыргыз Республикасынын Президентинин 2025-жылдын №238 тескемесин аткаруу үчүн, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 13,17-беренелерине ылайык, “Баткен облусунун айыл өкмөттөрүнүн башчылары үчүн кызматтык автотранспорт каражаттарын лизингге сатып алуу жөнүндө” Кыргыз Республикасынын Министрлер Кабинетинин 2025-жылдын 25-июлундагы №633-т тескемесин аткарууга алып,  Кулунду айылдык кеңешинин  Экономика, бюджет, соода жана ишкердүүлүк боюнча туруктуу комиссиясынын мүчөсү Д. Абдуллаевдин баяндамасын, Кулунду айыл өкмөтүнүн башчысы М. К. Абдухамитовдун маалыматын угуп, айылдык кеңештин кезектеги IX-сессиясынын отуруму күн тартибиндеги маселелерди карап, талкуулап, Кулунду айылдык кеңешинин IX-сессиясынын отурумунун №9-протоколунун чечиминин 2-бөлүмүнүн 1-пунктунун негизинде

ТОКТОМ КЫЛАТ:

1. Мамлекеттик лизинг компаниясы менен түзүлгөн келишимдин негизинде Шевролет авто унаасын сатып алууга Кулунду айыл өкмөтүнүн башчысына 400 000 (төрт жүз миң) сом жана Кулунду айылдык кеңешинин төрагасына 400 000 (төрт жүз миң) сом жалпы суммасы 800 000 сом (сегиз жүз миң) сом акча каражаты 2025-жылдын жергиликтүү бюджетине кошумча түшкөн салык  эсебинен жана үнөмдөлгөн акча каражаттар эсебинен беренеден беренеге которулуп, бөлүнүп берилсин.
2. Ушул токтомдун аткарылышы Кулунду айыл өкмөтүнүн башчысына  милдеттендирилсин.
3. Токтомдун аткарылышын көзөмөлдөө жагы айылдык кеңештин  Экономика, бюджет, соода жана ишкердүүлүк боюнча туруктуу комиссиясына жүктөлсүн.

Төрага

А.А.Досов