КАНЫШ-КЫЯ АЙЫЛДЫК КЕҢЕШИ

ТОКТОМ

Каныш-Кыя айылдык кеңешинин VIII чакырылышынын кезектеги  IX сессиясы

  2025-жылдын  24-сентябрындагы №26

«Арык каналдарга долбоор смета даярдоо жөнүндө»

Каныш-Кыя айыл аймагынын айыл өкмөтүнүн башчысы Ш.Ч.Жумабекованын 19.09.2025-жылдагы №01-18/3127 жана 23.09.2025-жылдагы №01-18/3197 чыгыш сандуу айыл өкмөттүн балансындагы арык каналдардын долбоор сметаларын даярдоого чечим берүү боюнча жазган кайрылуусун, Каныш-Кыя айыл аймагынын айылдык кеңешинин бюджет экономика жана финансы боюнча туруктуу комиссиясынын №7 корутундусу карап жана талкуулап Каныш-Кыя айыл аймагынын айылдык кеңешинин кезектеги IX сессиясы

ТОКТОМ  КЫЛАТ:

       1. Каныш-Кыя айыл аймагынын айыл өкмөтүнө караштуу төмөнкү каналдарга топосьемка жасалып, долбоор сметалар даярдалсын; Керектүү акча каражаты 2025-жылдын 9 айынын жана жылдык планынан жергиликтүү салыктык жана салыктык эмес төлөмдөрүнөн ашыкча аткарылган 41 332 400 (кырк бир миллион үч жүз отуз эки миң төрт жүз) сом акча каражатынан жумшалсын.

               - Ак-Таш айылынын айыл чарба багытындагы жерлерин суугаруу үчүн Тешик      –Арык каналына, 

                - Курулуш айылындагы Сары –Булак каналын жаңыдан салуу үчүн,

                     - Айгыр-Жал-Кара-Суу-Кара-Булак айылдарына келген Туз-Ашуу суусуна, сууну сактап туруучу курулма (БСР) куруу боюнча,

                    - Кайың-Суу айылынын Кедей-Сай участкасына сууну сактап туруучу курулма (БСР) куруу боюнча,

               - Коргон-Сай айылындагы Чанач каналын оңдоп түзөөдөн өткөрүү жана Чанач 2 участкасына дюкер жолу менен суу алып өтүү үчүн труба коюп, каналды бетондоп курууга,

               - Каныш-Кыя айылындагы Алыштын каналын капиталдык оңдоодоп түзөөдөн өткөрүү жана ага баруучу эски жолду калыбына келтирүү үчүн,

               - Арпа –Төктү каналын Аюу-Чачы каналына кошууга,

               - Кара-Корум суусунан Ири-Сай участкасына өткөн каналга 70 (жетимиш) метр калың пластик труба алып орнотууга,

- Айгыр-Жал, Кара-Булак, Кара-Суу, Чакмак-Суу, Каныш-Кыя, Башкы-Терек айылдарына таза суусу куруу жана гидрогеологиялык изилдөө үчүн

                  2. Жаңы-Базар-Курулуш айылдарына суугат сууну Чаткал дарыясынан тартып чыгуу үчүн координаттары жана жер аянттары тиешелүү адистер менен такталсын.

             3. Мыйзамдуулугун карап иш алып баруу Каныш-Кыя айыл аймагынын айыл өкмөтүнүн башчысы Ш.Ч.Жумабековага, каржы экономика жана социалдык өнүктүрүү бөлүмүнүн башчысы К.Темирбековго тапшырылсын.

              4. Токтомдун аткарылышын көзөмөлдөө төраганын орун басары Б.Кутбидин уулуна жана Каныш-Кыя айыл аймагынын айылдык кеңешинин бюджет экономика жана финансы боюнча туруктуу комиссиясына жүктөлсүн.