БАЗАР-КОРГОН ШААРДЫК КЕҢЕШИ

ТОКТОМ

Базар-Коргон шаардык кеңешинин II чакырылышынын

кезекcиз  X  сессиясы

  2025-жылдын  19-июну  №2

«Базар-Коргон шаарына караштуу Орто-Сай участкасынын №3-көчөсүнө Канаев Аскардын атын коюу жөнүндө»

Кыргыз Республикасынын Өкмөтүнүн 2008-жылдын 19-августунда №467 сандуу токтому менен бекитилген "Кыргыз Республикасындагы географиялык объекттерди атоо, алардын аталышын өзгөртүү, географиялык аталыштарды эске алуу жана каттоодон өткөрүү тартиби жөнүндө” Жобонун 10,11,12-пунктарын аткарууга алып, Базар-Коргон шаарынын мэриясына караштуу Совет муниципалдык аймактык башкаруунун башчысы Г.Сагынбаеванын 27.05.2025-жылкы чыгыш №55 сандуу кайрылуусуна жана Базар-Коргон шаардык кеңешинин «Мыйзамдуулукту, укук тартибин сактоо, жарандардын укугун жана кызыкчылыгын коргоо,регламент жана депутаттык этика» боюнча туруктуу комиссиясынын корутундусуна негиз, депутаттардын сунуш-пикирлерин эске алып, Базар-Коргон шаардык кеңешинин II-чакырылышынын кезексиз X сессиясы

ТОКТОМ  КЫЛАТ:

            1.Базар-Коргон шаарына караштуу Орто-Сай участкасынын №3-көчөсүнө Канаев Аскардын аты берилсин.

            2.Канаев Аскардын атын коюуга кетүүчү 28900 сом акча каражатын карап берүү жагы Базар-Коргон шаарынын мэриясына милдеттендирилсин.

            3.Токтомду аткаруу жагы Базар-Коргон шаарынын мэри Н.К.Мамбеталиевге жүктөлсүн.

            4.Бул токтомдун аткарылышын көзөмөлдөө жагы Базар-Коргон шаардык кеңешинин «Мыйзамдуулукту, укук тартибин сактоо, жарандардын укугун жана кызыкчылыгын коргоо,регламент жана депутаттык этика» боюнча туруктуу комиссиясынын төрагасы А.Жалиловго милдеттендирилсин.