АТ-БАШЫ АЙЫЛДЫК КЕҢЕШИ

ТОКТОМ

Ат-Башы айыл аймагынын айылдык кеңешинин IX чакырылыштагы депутаттарынын кезектеги IX сессиясы

2025-жылдын 8-август  №9-11

“Ат-Башы айыл аймагынын Ардактуу атуулу”  наамын ыйгаруу жөнүндө

Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу жөнүндө” мыйзамына, Ат-Башы айыл аймагынын айылдык кенешинин 2025-жылдын 29-майындагы №8-9 токтому менен бекитилген «Ат-Башы айыл аймагынын Ардактуу атуулу» наамы жөнүндө Жобого ылайык Ат-Башы айыл аймагынын өнүгүүсүнө, социалдык-экономикалык жактан көтөрүлүшүнө жана спорт тармагын өнүктүрүүгө, жаштардын арасында сергек жашоону жайылтууга кошкон зор салымын эске алуу менен, жергиликтүү тургундардын жана Ат-Башы айыл аймагынын айылдык кеңешинин Мыйзамдуулук, укук тартибин чыңдоо, депутаттык мандат, этика жана дин иштери боюнча туруктуу комиссиясынын сунуштарынын негизинде, Ат-Башы айыл аймагынын айылдык кеңеши

ТОКТОМ КЫЛАТ:                        

1.    Ат-Башы айыл аймагынын коомдук, спорттук жана чарбалык өнүгүүсүнө кошкон эмгеги үчүн төмөндөгү жарандарга “Ат-Башы айыл аймагынын Ардактуу атуулу” наамы ыйгарылсын:

1)    Ак-Жар айылынын тургуну Акматов Токтогул Акматович 1944-жылы туулган;

2)    Ат-Башы айылынын тургуну Өмүралиев Сапарбек Чепеевич 1956-жылы туулган;

3)    Ат-Башы айылынын тургуну Базарова Асылбүбү Самыйкановна 1959-жылы туулган;

4)    Ача-Кайыңды айылынын тургуну Абдылдаев Темирбек Имамадиевич 1988-жылы туулган;

5)    Ача-Кайыңды айылынан Сыдыков Таалайбек Кубатович 1968-жылы туулган.

2.    Наамды жана күбөлүктү тапшыруу аземи Кыргыз Республикасынын Эгемендүүлүк күнүнө карата 31-август күнү салтанаттуу түрдө өткөрүлсүн.

3.    Ушул токтомдун аткарылышын камсыз кылуу Ат-Башы айыл аймагынын айылдык кеңешинин Мыйзамдуулук, укук тартибин чыңдоо, депутаттык мандат, этика жана дин иштери боюнча туруктуу комиссиясына жүктөлсүн.