Кыргыз-Ата айылдык кеңешинин депуттатарынын (сегизинчи чакырылышын) 6- сессиясы

2025- жылдын 8-июлу № 01-4/7 Көтөрмө айылы

Кыргыз-Ата айылдык кеңешинин 8-чакырылышынын Регламентине өзгөртүүлөр жана толуктоолор жөнүндө

Айылдык кеңешинин агрардык маселелер, жер, муниципалдык менчик, жайыттарды пайдалануу, өзгөчө кырдаалдардын алдын алуу, жаратылышты коргоо жана экология боюнча туруктуу комиссиясынын 2025-жылдын 27-июнундагы кезектеги отурумунун №4 протоколунун корутундусуна, ошондой эле Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамынын 34-беренесине таянып, Кыргыз-Ата айылдык кеңеши токтом кылат:

1. Кыргыз-Ата айылдык кеңешинин 8-чакырылышынын 2024-жылдын 30-ноябрындагы №1 токтому менен бекитилген Регламентине төмөнкү өзгөртүүлөр жана толуктоолор киргизилсин:

35.6. Айылдык кеңеш айыл өкмөт башчысынын ишинде кеткен катачылыктарга баа берүү менен биргеликте ага “ишенбөөчүлүк” көрсөтүшү мүмкүн.

35.7. “Ишенбөөчүлүк” көрсөтүү үчүн төмөнкү эрежелер сакталууга тийиш:

- Айыл өкмөт башчысынын ишмердүүлүгүнө баа берүү менен бирге тиешелүү комитеттин отурумунун протоколу айылдык кеңештин сессиясына чейинки бир жумушчу күндүн ичинде айыл өкмөт башчысына билдирилиши керек;

- Тиешелүү тармактык комитеттин корутундусу же чечими жалпы айылдык кеңештин депутаттарына сессияга чейин таркатылышы керек;

- “Ишенбөөчүлүк” көрсөтүү чечими айылдык кеңештин депутаттарынын үчтөн экисинен кем эмесинин колдоосуна ээ болушу зарыл;

- “Ишенбөөчүлүк” көрсөтүү үчүн тиешелүү негиздер жана далилдүү себептер көрсөтүлүүгө тийиш.

2.Бекитилген Регламентке ылайык иш алып баруу айылдык кеңешинин төрагасына, оруни басарларына, жооптуу катчысына жана кеңештин депутаттарына милдеттендирилсин.