МАНАС ШААРДЫК КЕҢЕШИ

ТОКТОМ

Манас шаардык кеңешинин Х чакырылышынын

кезексиз  XIX  сессиясы

  2025-жылдын  20-ноябры  №6

«Мамлекеттик менчиктеги мүлктөрдү

муниципалдык менчикке өткөрүп алуу жөнүндө»

Кыргыз Республикасынын “Мүлккө муниципалдык менчик жөнүндөгү” мыйзамынын 6-беренесине ылайык, Жалал-Абад шаарынын мэриясынын 20.11.2025-жылдагы чыг.№01-18/7367 сандуу каты, Манас шаардык депутаттар кеӊешинин 20.11.2025-жылдагы курулуш, коммуналдык чарба, муниципалдык менчик жана жерди пайдалануу боюнча туруктуу комиссиясынын отурумунда каралып, Манас шаардык депутаттар кеңешинин кезексиз XIX сессиясы

ТОКТОМ  КЫЛАТ:

1.    Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттигинин балансындагы Манас шаарынын Эркиндик көчөсүнүн №11 дарегинде жайгашкан имаратты (Кыргыз Республикасынын Президентинин Жалал-Абад облусундагы ыйгарым укуктуу өкүлүнүн аппаратынын эски имараты) муниципалдык менчикке кабыл алууга макулдук берилсин.

2.    Манас шаарынын Панфилов көчөсүнүн №34 дарегинде жайгашкан Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттигинин балансындагы имараттын 2-кабатын жана жер төлөсүн муниципалдык менчикке кабыл алууга макулдук берилсин.

3.    Манас шаарынын мэрине (Э.Ормоков), Манас шаарынын мэриясынын Муниципалдык менчик башкармалыгынын башчысына (С.Эргешов) мүлктөрдү өткөрүп алууда Кыргыз Республикасынын Мыйзамдарын сактоо менен иш алып баруу жагы милдеттендирилсин.

4.    Ушул токтомду Кыргыз Республикасынын Юстиция министрлигине мамлекеттик реестрге киргизүүгө жиберүү жагы шаардык кеңештин жооптуу катчысына (Г.Осмонова) милдеттендирилсин.

5.    Ушул токтомдун аткарылышын көзөмөлдөө жагы курулуш, коммуналдык чарба, муниципалдык менчик жана жерди пайдалануу боюнча туруктуу комиссиясына милдеттендирилсин.

6.    Ушул токтом Манас шаарынын www.jalal-abad.gov.kg расмий сайтында жарыяланган күндөн тартып күчүнө кирет.