МИҢ-БУЛАК АЙЫЛ АЙМАГЫНЫН АЙЫЛДЫК КЕҢЕШИ

ТОКТОМ

Миң-Булак айыл аймагынын I-чакырылыштагы кеңешинин кезексиз сессиясы

2025-жылдын 17-январы № 25

Мин-Булак айыл аймагынын 2025-2027-жылдарга социалдык-экономикалык

өнүктүрүү Программасын бекитүү жөнүндө

Кыргыз Республикасынын 2021-жылдын 20-октябрындагы «Жергиликтүү мамлекеттик администрация жана жергиликтүү өз алдынча башкаруу органдары жөнүндө» №123 Мыйзамынын 34-39 беренелерине ылайык, Кыргыз Республикасынын Бюджеттик Кодексинин 88-беренесине, Кеңештин бюджет, каржы, инвестиция жана гранттык долбоорлор боюнча туруктуу комиссиясынын 2025-жылдын 15-январындагы корутундусун угуп чыгып жана бюджет, каржы, инвестиция жана гранттык долбоорлор боюнча туруктуу комиссиясынын төрайымы А.Т.Иманалиеванын «Мин-Булак айыл аймагынын 2025-2027-жылдарга социалдык-экономикалык өнүктүрүү Программасын бекитүү жөнүндө маалыматын талкуулап чыгып Миң-Булак айыл аймагынын Кеңешинин сессиясы

ТОКТОМ КЫЛАТ

1. Мин-Булак айыл аймагынын 2025-2027-жылдарга социалдык-экономикалык өнүктүрүү Программасы тиркемеге ылайык бекитилсин.

2. Миң-Булак айыл өкмөтүнүн башчысы Б.Ж.Алыбеков Программага киргизилген иш-чаралардын аткарылышын камсыздасын.

3. Ушул токтом Кыргыз Республикасынын мамлекеттик ченемдик укуктук актыларынын реестрине киргизүү үчүн Чүй-Бишкек юстиция башкармалыгына жөнөтүлсүн.

4. Ушул токтомдун аткарылышына көзөмөл жүргүзүү Кеңештин бюджет, каржы, инвестиция жана гранттык долбоорлор боюнча туруктуу комиссиясына, Миң-Булак айыл өкмөтүнүн башчысы Б.Ж.Алыбековко жүктөлсүн.