КАРА - СУУ ШААРДЫК КЕҢЕШИНИН (ТОГУЗУНЧУ ЧАКЫРЫЛЫШЫНЫН) КЕЗЕКСИЗ XI СЕССИЯСЫНЫН

 ТОКТОМУ

2025-жылдын 29-сентябры  № 11/9

Кара-Суу шаарындагы Тельман айылын Абдраимов Апсамат айылы деп өзгөртүү жөнүндө

Кыргыз Республикасынын “Кыргыз Республикасындагы географиялык аталыштар жөнүндөгү” Мыйзамынын негизинде, Кара-Суу шаардык кеңешинин кыймылсыз мүлккө укуктарды каттоо, курулуш, турак жай, жер маселелери жана жаратылышты коргоо боюнча туруктуу комиссиясынын 2025-жылдын 25-сентябрь №7 протоколдук чечимин угуп жана талкуулап Кара-Суу шаардык кеңеши токтом кылат:

1.Кара-Суу шаарындагы Тельман айылынын аты шаарга көп жылдык үзүрлүү эмгеги сиңген, “Абдираимов Абсамат” айылы деп атоого тиешелүү иш кагаздары такталгандан кийин мыйзам чегинде уруксат берилсин.

2.Кара-Суу шаарындагы Тельман айылынын жашоочулары менен жолугушуу уюштуруу аркылуу айылдын аты өзгөртүлүп жаткандыгы боюнча жеринде тиешелүү иштер алып барылсын.

3.“Абдираимов Абсамат” атындагы айылды таза кармоо, көрктөндүрүү, жашылдандыруу, жакшы абалда кароо жана аты өзгөртүлүнгөндүгүнө байланыштуу келип чыккан чыгымдарды көтөрүү жагы Абдираимов Абсаматтын үй-бүлөө мүчөлөрүнө тапшырылсын.

4.Бул токтомдун аткарылышын Кара-Суу шаар мэриясына, көзөмөлдөө Кара-Суу шаардык кеңешинин кыймылсыз мүлккө укуктарды каттоо, курулуш, турак жай, жер маселелери жана жаратылышты коргоо боюнча туруктуу комиссиясына тапшырылсын.