Гүлчө шаарынын кеңешинин депутаттарынын кезектеги 15 – отуруму

ТОКТОМ

15.12.2025.    № 15/9

Гүлчө шаары                                  

Гүлчө шаарынын мэриясы менен мамлекеттик лизинг компаниясы тарабынан 2025-жылы түзүлгөн келишимдин негизинде, муниципалдык менчикке автобус унаасын алуу боюнча баштапкы төлөм үчүн 1 998 000 сом акча каражаты Алай райондук өнүктүрүү фондусу тарабынан каржыланары жөнүндө

Гүлчө шаарынын кеңешинин депутаттарынын кезектеги 15-отуруму, Гүлчө шаарынын мэри Н.Э.Тажибаевдин, мамлекеттик лизинг компаниясы менен 2025-жылы түзүлгөн келишимдин негизинде, муниципалдык менчикке 6 660 000 сомдук автобус автоунаасын алуу боюнча №01-20 келишими түзүлүп, баштапкы төлөм үчүн Алай райондук өнүктүрүү фонду тарабынан 1 998 000 сом акча каражаты каржыланышы жөнүндөгү билдирүүсүн угуп жана талкуулап, Кыргыз Республикасынын 20.10.2021. №123 «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Мыйзамынын 34-беренесинин 2-5-пунктуна ылайык токтом кылат:

1.Гүлчө шаарынын мэриясынын муниципалдык менчигине мамлекеттик лизинг компаниясы тарабынан 2025-жылы түзүлгөн келишимдин негизинде автобус унаасын алуу үчүн баштапкы төлөм 1 998 000 сом акча каржаты Алай райондук өнүктүрүү фонду тарабынан каржыланары белгиленсин.

2.Түзүлгөн келишимге ылайык, калган 4 662 000 сом акча каражаты 2030-жылга чейин, жыл сайын Гүлчө шаарынын мэриясынын жергиликтүү бюджетинен төлөнүп берилсин.

3.Кабыл алынган токтомдун мыйзам чегинде аткарылышын камсыз кылуу жагы Гүлчө шаарынын мэри Н.Тажибаевге жана финансы-экономика бөлүмүнүн башчысы Э.Каныбек кызына милдеттендирилсин.

4.Ушул токтомдун аткарылышын көзөмөлдөө жагы бюджет жана экономика

боюнча туруктуу комиссиясына жүктөлсүн.