ОШ ШААРДЫК КЕӉЕШИ

ТОКТОМ

ОШ ШААРДЫК КЕҢЕШИНИН КЕЗЕКСИЗ XIII СЕССИЯСЫ

 (VI ЧАКЫРЫЛЫШ)

2025-жылдын 10-сентябры  № 75

Ош шаардык Кеңешинин 2023-жылдын 30-майындагы “Ош шаарынын мэриясынын борбордук базар дирекциясы” жана “Ош унаа базары” муниципалдык ишканаларынын жыйымдарынын өлчөмүн бекитүү жөнүндө” №134 токтомуна өзгөртүү жана толуктоо киргизүү жөнүндө

Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” мыйзамынын 34-беренесин жетекчиликке алып, Ош шаардык Кеңешинин 2023-жылдын 30-майындагы “Ош шаарынын мэриясынын борбордук базар дирекциясы” жана “Ош унаа базары” муниципалдык ишканаларынын жыйымдарынын өлчөмүн бекитүү жөнүндө” №134 токтомуна өзгөртүү жана толуктоо киргизүү жөнүндө Ош шаарынын мэринин биринчи орун басары А.Шаршеналы уулунун сунушун угуп жана талкуулап, Ош шаардык Кеңешинин бюджет, экономика жана өнөр-жай маселелери боюнча туруктуу депутаттык комиссиясынын 2025-жылдын 3-сентябрындагы №24 чечимин эске алып, Ош шаардык Кеңеши токтом кылат:

1. Ош шаардык Кеңешинин 2023-жылдын 30-майындагы “Ош шаарынын мэриясынын борбордук базар дирекциясы” жана “Ош унаа базары” муниципалдык ишканаларынын жыйымдарынын өлчөмүн бекитүү жөнүндө” №134 токтомунун 2-пунктундагы 2-тиркемесине төмөндөгүдөй өзгөртүү жана толуктоо киргизилсин:

- “Ош унаа базары” муниципалдык ишканасынын жыйымдарынын өлчөмүнүн

- 2-пунктундагы 4-графадагы “1000” деген цифра “500” деген цифрага, - 5-графадагы “1000” деген цифра “700” деген цифрага алмаштырылсын.

- 2-пунктттун 2-графасындагы “Чатырдын астында турган унаалардан алынуучу жыйым”: деген сүйлөм 100 пайыз “Ош унаа базары” муниципалдык ишканасына төлөнөт” деген сөз менен толукталсын.

2.Токтом мыйзамда каралган тартипте катталсын, жалпыга маалымдоо каражаттарына жарыялансын жана Кыргыз Республикасынын ченемдик-укуктук актыларынын реестрине киргизүү үчүн Ош юстиция башкармалыгына жөнөтүлсүн.

3.Токтом расмий жарыяланган күндөн баштап күчүнө кирет.

4.Токтомдун аткарылышын көзөмөлдөө Ош шаардык Кеңешинин бюджет, экономика жана өнөр-жай маселелери боюнча туруктуу депутаттык комиссияга (К. Шайиев) жүктөлсүн).