КАШКА-СУУ АЙЫЛ АЙМАГЫНЫН КЕӉЕШИ

ТОКТОМ

Кашка-суу кеңешинин VIII-чакырылышынын кезексиз 7-сессиясы

2025-жылдын 29-апрели  №3

Кашка-Суу айыл өкмөтүнө караштуу Бурган-Суу, Кашка-Суу, Ачык-Суу жана Кабык айылдарындагы электр көмөкчү чордондорун Чоң-Алай райондук электр тармактар ишканасынын балансына өткөрүп берүүгө макулдук берүү жөнүндө

Кашка-Суу айыл өкмөтүнүн башчысы Б.Нышанбаевдин билдирүүсүн карап чыгып, талкуулап Кашка-Суу айыл аймактык кеңешинин кезексиз жетинчи сессиясы:

         ТОКТОМ КЫЛАТ

1.Кашка-Суу айыл өкмөтүнө караштуу Бурган-Суу айылынагы жаңы башкы пландагы 30,0 га памирлик-этникалык кыргыздарга тиешелүү 2 (эки) даана көмөкчү чордону, узуну 4500 м СИП электр аба чубалгысы, Кашка-Суу айылындагы Эсенкелди уулу Максабек атындагы орто мектебинин 1 (бир) даана көмөкчү чордону, Ачык-Суу айылындагы Ж.Бөкөнбаев атындагы орто мектебинин 1 (бир) даана көмөкчү чордону жана Ачык-Суу айылындагы таза суу түтүгү үчүн курулган 1 (бир) даана көмөкчү чордонун Чоң-Алай райондук электр тармактар ишканасынын балансына өткөрүп берүүгө макулдук берилсин.

2.Тиешелүү юридикалык документтерин даярдоо жагы Кашка-Суу айыл өкмөтүнүн башчысы Б.Н.Нышанбаевге милдеттендирилсин.

3. Токтомдун аткарылышын көзөмөлдөө жагы айылдык кеңештин Жер, турак жай жана жайыт боюнча туруктуу комиссиясына жана айыл башчыларга тапшырылсын.