ПАМИР-АЛАЙ АЙЫЛ АЙМАГЫНЫН КЕӉЕШИ

ТОКТОМ

Памир-Алай айылдык кеңешинин VII-чакырылышынын кезектеги 1-сессиясы

2024-жылдын 20-февралы  №3

«Памир-Алай айыл аймагынын айыл өкмөтү» мекемеси айыл өкмөтүн түзүү жөнүндө

Кыргыз Республикасынын Президентинин 2023-жылдын 29-декабрындагы № 370 «Кыргыз Республикасынын айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү жөнүндө» Жарлыгын, Кыргыз Республикасынын Президентинин 2024-жылдын 7-февралындагы №24 "Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобону бекитүү жөнүндө” Жарлыгын, Кыргыз Республикасынын Министрлер Кабинетинин 2024-жылдын 7-февралындагы №52 "Пилоттук режимде административдик-аймактык реформа жүргүзүү мезгилинде Кыргыз Республикасынын жергиликтүү өз алдынча башкаруусунун аткаруу органдарынын ишин уюштуруу жөнүндө" Токтомун, Кыргыз Республикасынын Жарандык кодексинин 92-беренесин жана “Кыргыз Республикасынын Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамын жетекчиликке алып, Памир-Алай айылдык кенеши токтом кылат:

1. “Сары-Могол” айыл өкмөтү» мекемеси, «Талды-Суу» айыл өкмөтү мекемеси жана «Сары-Таш» айыл өкмөтү мекемеси бириктирүү жолу менен «Памир-Алай” айыл аймагынын айыл өкмөтү» мекемеси болуп кайра түзүлсүн.

Юридикалык жактын толук фирмалык аталышы:

- Мамлекеттик тилде: “Памир-Алай” айыл аймагынын айыл өкмөтү» мекемеси.

- Расмий тилде: Учреждение "Айыл окмот Памир-Алайского айылного аймака"

Кыскартылган фирмалык аталышы:

- Мамлекеттик тилде: «Памир-Алай айыл аймагынын айыл өкмөтү» М-и.

- Расмий тилде: У-е "Айыл окмот Памир-Алайского айылного аймака".

2. “Памир-Алай” айыл аймагынын айыл өкмөтү” мекемесинин Жобосу бекитилсин.

3. “Памир-Алай” айыл аймагынын айыл өкмөтү» мекемесинин юридикалык дареги болуп, Кыргыз Республикасы, Ош облусу Алай району Сары-Таш айылы Мээрим көчөсү №16 болуп аныкталсын.

4. Мекеме Кыргыз Республикасынын иштөөдөгү мыйзамдарына ылайык Кыргыз Республикасынын юстиция органдарында мамлекеттик каттоодон өткөрүлсүн.

Токтомдо көрсөтүлгөн маалыматтардын, ошондой эле мамлекеттик каттоо үчүн тапшырылган документтердеги маалыматтардын аныктыгы ырасталат.