ЖАҢЫ-ЖЕР АЙЫЛДЫК КЕҢЕШИ

ТОКТОМ

Жаңы-Жер айылдык кеңешинин VIII чакырылышынын кезексиз сессиясы

2025-жылдын 8-сентябры №45

Той маареке, салтанаттарга чектөө коюу жөнүндө

          Кыргыз Республикасынын Президентинин 2022-жылдын 24-февралындагы “Кыргыз Республикасында үй-бүлөлүк салтанаттарды жана маркумду эскерүү үрп-адаттарын тартипке келтирүү боюнча чаралар жөнүндө” №54 Жарлыгынын, Кыргыз Республикасынын 2024-жылдын 6-декабрындагы “Тынчтык жөнүндө” №194 Мыйзамынын  жана Кыргыз Республикасынын Президенти С.Н.Жапаровдун 2025-жылдын 14-августундагы №27-19633 сандуу тапшырмасынын талаптарын аткарууга алуу максатында Жаңы-Жер айыл аймагында той маареке, салтанаттарды өткөрүү убагын чектөөгө алуу үчүн  Жаңы-Жер айылдык кеңеши токтом кылат:

1.    Кыргыз Республикасынын Президентинин 2022-жылдын 24-февралындагы “Кыргыз Республикасында үй-бүлөлүк салтанаттарды жана маркумду эскерүү үрп-адаттарын тартипке келтирүү боюнча чаралар жөнүндө” №54 Жарлыгынын, Кыргыз Республикасынын 2024-жылдын 6-декабрындагы “Тынчтык жөнүндө” №194 Мыйзамынын  жана Кыргыз Республикасынын Президенти С.Н.Жапаровдун 2025-жылдын 14-августундагы №27-19633 сандуу тапшырмасы  аткарууга алынсын.

2.    Жаңы-Жер айыл аймагында өткөрүлүүчү той – маарекелер, салтанаттар кечки саат 22:00 баштап токтотулсун.

3.    Ар бир айылдын башчыларына, активисттер жана той-маареке, салтанаттардын өткөрүлүшү боюнча түзүлгөн комиссия курамына жана Жаңы-Жер аймактык милиция бөлүмчөсүнө той-маареке, салтанаттардын өткөрүлүшүнө көзөмөл жүргүзүү жагы тапшырылсын.

4.    Токтомдун аткарылышы Жаңы-Жер айыл өкмөтүнө жүктөлсүн.

5.    Токтомдун аткарылышын көзөмөлдөө жагы айылдык кеңешинин  Жаштар, спорт, маданият жана социалдык маселелер боюнча туруктуу комиссиясы тапшырылсын.