“Кулунду айыл өкмөтүнүн 2025-жылдын жергиликтүү бюджетине өзгөртүүлөрдү киргизүү жөнүндө”

              Кулунду айыл аймагынын айылдык кеңешинин VIII чакырылышынын кезексизX сессиясы, жергиликтүү демилгелерди каржылоо жолу менен жергиликтүү жамаат мүчөлөрүн, алардын бирикмелерин, башка жеке жана юридикалык жактарды жергиликтүү маанидеги маселелерди чечүүгө жигердүү катышууга шыктандыруу максатында, айыл өкмөтү жергиликтүү демилгелерди тандоо жана аларды ишке ашырууга каралган жергиликтүү бюджеттин каражаттарынын эсебинен каржылоо жөнүндө Жобонун алкагында өткөн сынактын негизинде тандалып алынган “Бактылуу балалык паркы-Мээрим аянтчасы” жеңүүчү деп табылып, Өнүктүрүү саясат  институтунан дем берүү иретинде 70000 (жетимиш миң) сом кошумча каржылоого ээ болгондугу боюнча  Кулунду айыл өкмөтүнүн башчысы М. К. Абдухамитовдун маалыматын угуп, айылдык кеңештин кезексиз X-сессиясынын отуруму күн тартибиндеги маселелерди карап, талкуулап, Кулунду айылдык кеңешинин X-сессиясынын отурумунун №10-протоколунун чечиминин 1-бөлүмүнүн 3-пунктунун негизинде

ТОКТОМ КЫЛАТ:

1. Өнүктүрүү саясат  институту менен гранттык макулдашууну түзүүнүн жана гранттык долбоорду ишке ашыруу максатында биргелешип каржылоо (дем берүүчү) катары берилген гранттык суммасы 70000 (жетимиш миң) сом Кулунду айыл өкмөтүнүн 2025-жылдын жергиликтүү бюджетине киреше бөлүгү 70000 (жетимиш миң) сомго, чыгаша бөлүгү 70000 (жетимиш миң) сомго өзгөртүлсүн.
2. Ушул токтомдун негизинде Кулунду айыл өкмөтүнүн 2025-жылга жергиликтүү бюджетине өзгөртүүлөрдү киргизүү жагы Кулунду айыл өкмөтүнүн финансы-экономика бөлүмүнүн башкы адиси А. Гайназаровго жүктөлсүн.
3. Токтомдун аткарылышы Кулунду айыл өкмөтүнүн башчысына  милдеттендирилсин.
4. Токтомдун аткарылышын көзөмөлдөө жагы айылдык кеңештин  Экономика, бюджет, соода жана ишкердүүлүк боюнча туруктуу комиссиясына жүктөлсүн.

Төрага

А.А.Досов