“Кулунду айыл өкмөтүнүн биргелешкен мониторинг жана баалоону жүргүзүү тобунун курамын түзүү жана жобосун бекитүү жөнүндө”

Кыргыз Республикасынын Министрлер Кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиктин 2025-жылдын № 01-25/352-буйругун аткарууга алып, Кыргыз Республикасынын “Жергиликтүү өз алдынча башкаруу жөнүндө” жана “Мамлекеттик жана муниципалдык кызматтар жөнүндө”, Кыргыз Республикасынын Өкмөтүнүн кызмат көрсөтүү жаатындагы ченемдик укуктук актыларынын негизинде  Кулунду айылдык кеңеши күн тартибиндеги маселелерди карап жана талкуулап, Кулунду айылдык кеңешинин кезексиз X сессиясынын отурумунун №10 протоколунун 5-пунктунун негизинде

ТОКТОМ КЫЛАТ:

1. Кулунду айыл өкмөтүнүн биргелешкен мониторинг жана баалоону жүргүзүү тобунун курамы төмөнкүдөй болуп түзүлсүн:

-        Кулунду айыл өкмөтүнүн башчысынын орун басары - топтун төрагасы;

-        М. Жусупова – Кулунду айылдык кеңешинин жооптуу катчысы - катчы

Мүчөлөрү:

-        Кулунду айыл өкмөтүнүн башкы эсепчиси;

-        Кулунду айыл өкмөтүнүн сатып алуулар боюнча адиси;

-        Кулунду айыл өкмөтүнүн инвестиция тартуу жана социалдык-экономика бөлүмүнүн бөлүм башчысы;

-        З. Бектемирова - Кулунду айылдык кеңешинин депутаты, аялдар кеңешинин төрайымы;

-        Т. Тагаев - Кулунду айылдык кеңешинин депутаты

1. Жарандарды жана алардын бирикмелерин тартуу менен жергиликтүү маанидеги маселелерди чечүүдө жергиликтүү өз алдынча башкаруу органдарынын ишине биргелешкен мониторинг жана баалоо жүргүзүү жөнүндө Типтүү жобосу тиркемеге ылайык бекитилсин.
2. Ушул токтомдун аткарылышы Кулунду айыл өкмөтүнүн башчысына милдеттендирилсин.
3. Көзөмөлдөө жагын өзүмө калтырамын.

Төрага

А.А.Досов