КАРА-КӨЛ ШААРДЫК КЕҢЕШИ 

ТОКТОМ

Кара-Көл шаардык кеңешинин 9-чакырылыштагы кезектеги ХI сессиясы

2025-жылдын  28-ноябрындагы №74/11-9

«Жалал-Абад облусунун өнүктүрүү фондуна берилүүчү гранттарга долбоорлорду бекитүү жөнүндө»

Кара-Көл шаарынын мэрдин орун басары М.А.Абдыкалыковдун Жалал-Абад облусунун өнүктүрүү фондунан берилүүчү гранттарга долбоорлорду бекитүү жөнүндө кайрылуусун, Кара-Көл шаардык кеңешинин бюджет, экономика жана финансы маселелери, инвестиция боюнча туруктуу комиссиясынын билдирүүсүн угуп жана талкуулап чыгып, Кара-Көл шаардык кеңешинин 9-чакырылыштагы депутаттарынын кезектеги ХI сессиясы

ТОКТОМ КЫЛАТ

1. Жалал-Абад облусунун өнүктүрүү фондуна берилүүчү гранттарга долбоорлор тиркемеге ылайык бекитилсин. (тиркелет)

2. Кара-Көл шаарынын мэриясы тарабынан 2026-жылга даярдалган Жалал-Абад облусунун өнүктүрүү фондунун долбоорлоруна жергиликтүү бюджеттин эсебинен үлүштүк каражаттар 2026-жылга шаардык бюджеттен 6571,1 миң сомго макулдук берилсин.

3. Бул токтомдун аткарылышын камсыз кылуу Кара-Көл шаарынын мэриясына (Н.О.Орозбаев), ал эми көзөмөлгө алуу жагы Кара-Көл шаардык кеңешинин бюджет, экономика жана финансы маселелери, инвестиция боюнча туруктуу комиссиясына (Т.А. Мамытканова) жүктөлсүн.