ДӨБӨ-КОРГОН АЙЫЛДЫК КЕҢЕШИ

ТОКТОМ

Дөбө-Коргон айылдык Кеңешинин 2- чакырылышынын кезексиз

11-сессиясы

2025-жылдын 5-сентябры №11-1

Кыргыз Республикасынын 2024-жылдын 26-декабрындагы “Тынчтык жөнүндө” № 194 Мыйзамынын талаптарын ишке ашыруу жөнүндө

Улуттук маданияттын баалуулуктарын коргоо жана элдик каада-салттарга сый мамиле кылууну калыптандыруу, үй-бүлөлүк салтанаттарды өткөрүүдө жарандардын жашоо деңгэлин жана сапатын көтөрүүнүн кызыкчылыгын гана көздөп, элдин саламаттыгын жана адеп-ахлагын коргоону камсыз кылуу,Кыргыз Республикасынын Президентинин 2022-жылдын 24-февралындагы №54 “Кыргыз Республикасындагы үй-бүлөлүк жана эскертүү аземдерин тартипке келтирүү боюнча чаралар жөнүндө” жана Кыргыз Республикасынын 2024-жылдын 26-декабрындагы “Тынчтык жөнүндө” №194 Мыйзамынын талаптарын аткарууга алуу максатында Дөбө-Коргон айылдык кеңешинин депутаттары күн тартибиндеги маселени угуп жана талкуулап төмөндөгүдөй

ТОКТОМ КЫЛАТ:

1.Кыргыз Республикасынын 2024-жылдын 26-декабрындагы “Тынчтык жөнүндө” № 194 Мыйзамынын талаптары аткарууга алынып айылдарда түшүндүрүү иштери жүргүзүлсүн.

2.Той жана аземдердин убактысын чектөө төмөнкү убакыт аралыгында үн басымынын жана ызы-чуунун белгиленген деңгээлдеринен ашууга жол берилбейт:

- жумуш күндөрү - саат 22:00дөн 07:00гө чейин;

- дем алыш жана майрам күндөрү - саат 22:00дөн 09:00гө чейин.

3.Бул талаптарды бузуу “Тынчтык жөнүндө”мыйзамдын 9-беренесинде каралган “Тынчтык режимин бузуу” катары каралып, тиешелүү жоопкерчиликке тартылат.

4. Үй-бүлөлүк жана эскерүү аземдерин өткөрүүдө ашыкча чыгымдуулукту жана ысырапкерчиликти азайтуу максатында төмөнкү сунуштар кабыл алынсын;

-коноктордун санын мүмкүн болушунча кыскартуу;

-ашыкча салтанаттуу чыгымдарды (тамак-аштын ашыкча түрү, сыйлыктар ж.б) чектөө;

-тойлордогу техникаларды азайтуу;

- тойдон кийинки аземдерди чектөө;

-коомдук адеп-ахлакка ылайык жөнөкөй жана маданий форматта өткөрүү.

5. Мектепке чейинки билим берүү уюмдарындагы туулган күндөр токтотулсун.

6. Жергиликтүү тургундарга түшүндүрүү иштерин алып баруу жагы Дөбө-Коргон айыл өкмөтүнүн башчысына жана Дөбө-Коргон милиция бөлүмүнө жүктөлсүн.

7. Токтомдун аткарылышын көзөмөлгө алуу жагы айылдык кеңештин этика жана мыйзамдуулук боюнча туруктуу комиссиясына жүктөлсүн.