ОЙ-ТАЛ АЙЫЛДЫК КЕҢЕШИ

ТОКТОМ

Ой-Тал  айыл аймагынын айылдык  кеңешинин (VIII шайланган) кезексиз

он биринчи сессиясынын жыйналышы

2025-жылдын 24-ноябры  № 11/3

Ой-Тал айыл аймагынын Ничке-Суу айылындагы “Ничке-Суу” башталгыч мектебинин имаратына мектепке чейинки билим берүү уюмун ачуу боюнча Кара-Кулжа өнүктүрүү фондуна жазылган долбооруна өздүк салым үчүн акча каражатын бөлүп берүү жөнүндө

       Ой-Тал айыл аймагынын Ничке-Суу айылындагы “Ничке-Суу” башталгыч мектебинин имаратына мектепке чейинки билим берүү уюмун ачуу боюнча Кара-Кулжа өнүктүрүү фондуна жазылган долбооруна жана өздүк салым үчүн акча каражатын бөлүп берүү боюнча Ой-Тал айыл өкмөтүнүн башчысы С.Аматбек уулунун маалыматын угуп жана талкуулап, Ой-Тал айыл аймагынын айылдык кеңеши                 

ТОКТОМ КЫЛАТ:

1.Ой-Тал айыл аймагынын Ничке-Суу айылындагы “Ничке-Суу” башталгыч мектебинин имаратына мектепке чейинки билим берүү уюмун ачуу боюнча Кара-Кулжа өнүктүрүү фондуна жазылган долбоору үчүн өздүк салым катары Ой-Тал айыл өкмөтүнүн 2026-жылдын бюджетинен 211 000 (эки жүз он бир миң) сом акча каражатын бөлүп берүүгө макулдук берилсин.

2.Токтомдун аткарылышын камсыздоо жагы Ой-Тал айыл өкмөтүнүн башчысы С.Аматбек уулуна милдеттендирилсин.

3. Бул токтомдун аткарылышын көзөмөлдөө жагы Ой-Тал айыл аймагынын айылдык кеңешинин социалдык-маданий, билим берүү, спорт, миграция, туризм, саламаттыкты сактоо, коммуналдык менчик, маалымдуулук, жаштардын иштери, социалдык-экономикалык өнүгүүнүн болжолдуу багыттарын аныктоо, экономика жана бюджет боюнча туруктуу комиссиясына (Э.Сыдыков) тапшырылсын.