Чоң-Алыш айыл аймагынын аксакалдар сотунун регламентин

бекитүү жөнүндө

Чоң-Алыш айыл аймагынын аксакалдар сотунун регламетин карап чыгып, Эл депутаттарынын Чоң-Алыш айыл аймактык Кеңешинин IХ-чакырылышынын кезексиз 4-сессиясы;

ТОКТОМ КЫЛАТ:

1. Чоң-Алыш айыл аймагынын аксакалдар сотунун регламети бекитилсин.

2. Токтомдун аткарылышын көзөмөлдөө жагы өзүмө калтырылсын.

Төрага

Т. Бейшеналиев

Бекитилди Чоң-Алыш жергиликтүү кеңешинин 2025-жылдын 11-мартындагы № 51 токтомуна тиркеме

Аксакалдар сотторунун

ТИПТҮҮ РЕГЛАМЕНТИ

I . Жалпы жоболор

1. Бул Регламент Кыргыз Республикасынын Конституциясына, “Аксакалдар соттору жөнүндө” Кыргыз Республикасынын Мыйзамына (мындан ары – Мыйзам), Кыргыз Республикасынын башка мыйзамдарына ылайык аксакалдар сотторунун ыйгарым укуктарын жүзөгө ашыруу боюнча ишин уюштуруунун эрежелерин белгилейт.

2. Аксакалдар соттору – ыктыярдуу жанажергиликтүү коомчулуктун колдоосунда, шайлануунун жана өз алдынча башкаруунун негизинде түзүлүүчү, Мыйзамда белгиленген тартипте жана учурларда жарандардын, жарандар менен юридикалык жактардын ортосундагы талаш-тартыштар жөнүндө иштерди (материалдарды) кароону жүзөгө ашырууга чакырылган коомдук орган.

3. Аксакалдар соттору Мыйзамда аныкталган тартипте айыл аймактын жана шаардын аймактарында жарандардын чечими боюнча уюштурулат.

4. Аксакалдар сотторунун ишинин укуктук негизин Кыргыз Республикасынын Конституциясы, аталган Мыйзам жана Кыргыз Республикасынын башка ченемдик укуктук актылары түзөт.