“Халича” коомдук кайрымдуулук фондуна жер тилкесин бөлүп берүү жөнүндө

“Халича” коомдук кайрымдуулук фондунун 2025-жылдын 14-январындагы кайрылуусу жана Кара-Буура айылдык кеңешинин “Айыл чарба, муниципалдык менчик, жер маселелери боюнча туруктуу комиссиясынын 2025-жылдын 7-февралындагы корутундусу сессияда каралып, талкууланып, Кара-Буура айыл аймагынын айылдык кеңешинин II чакырылышынын кезектеги III сессиясынын чечимине ылайык, Кара-Буура айыл аймагынын айылдык кеңеши;

ТОКТОМ КЫЛАТ:

1. Кара-Буура айыл аймагындагы аз камсыз үй бүлөлөргө, томолой жетимдерге, жетим- жесирлерге (калктын аярлуу катмарына) социалдык шаарча куруу үчүн, Кара-Буура айыл аймагынын Кызыл-Адыр айылынын №317, 318, 319, 320 жана 343 чөйрө сызыктарынан “Халича” коомдук кайрымдуулук фондуна 10,0 га жер тилкеси бөлүнүп берилсин.

2. Токтомду аткаруу жагы Кара-Буура айыл өкмөтүнүн башчысы Б.Стамкуловго жүктөлөт.

3. Токтомдун аткарылышын көзөмөлдөө жагы Кара-Буура айылдык кеңешинин “Айыл чарба, муниципалдык менчик, жер маселелери боюнча туруктуу комиссиясына жүктөлөт.

Төрага

Жеңишбек уулу А.