2025-жылдын 21-апрели № 3

Көчөлөргө жана балдар ойноочу аянтчага ысым ыйгаруу жөнүндө

Кыргыз Республикасынын 1997-жылдын 25-сентябрындагы №67 “Кыргыз Республикасындагы географиялык аталыштар жөнүндө” Мыйзамынын 7-беренесин жетекчиликке алып, Чоң Кара-Буура, Камаш айылдарынын жана Кызыл-Адыр айылындагы 5 сотых кварталынын жашоочуларынын чогулушунун протоколун жана кайрылууларын карап, талкуулап, Кара-Буура айыл аймагынын айылдык кеңеши;

ТОКТОМ КЫЛАТ:

1. Чоң Кара-Буура айылындагы жаңы конуштун 7-көчөсүнө Улуу Ата Мекендик согуштун ардагери Айдаров Алишердин ысымы ыйгарылсын.

2. Камаш айылындагы балдар ойноочу аянтчага Улуу Ата Мекендик согуштун ардагери Жолдошов Осмонбектин ысымы ыйгарылсын.

3. Кызыл-Адыр айылындагы Талас-Чаткал жолунун чыгыш тарабында жайгашкан квартал Ынтымак кварталы болуп аталсын.

4. Токтомду аткаруу жагы Кара-Буура айыл өкмөтүнүн башчысы Б.Стамкуловго жүктөлсүн.

5. Токтомдун аткарылышын көзөмөлдөө жагы Кара-Буура айылдык кеңешинин “Спорт, жаштар иштери жана социалдык-маданий маселелер боюнча” туруктуу комиссиясына жүктөлсүн.

Төраганын биринчи орун басары

С. Авасбеков