АБСАМАТ МАСАЛИЕВ АЙЫЛДЫК КЕҢЕШИ

ТОКТОМ 

А.Масалиев айыл аймагынын айылдык Кеңешинин VIII чакырылышынын XVIII сессиясы

2026-жылдын -28 январы № 8

А.Масалиев айыл аймагындагы жайыт пайдалануучулар бирикмесинин  ишмердүүлүк милдетин “Исфайрам” муниципалдык ишканасына өткөрүп берүүгө макулдук берүү жөнүндө      

А.Масалиев айылдык кенешинин айыл чарба  жана мыйзамдуулук   боюнча туруктуу комиссияларынын билдирүүсүн угуп жана жайыт пайдалануучулар бирикмесинин 2026-жылдын 26-январындагы №1  протоколун талкуулап, Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамынын 34-беренесине ылайык  А.Масалиев айылдык кеңеши токтом кылат:

1. А.Масалиев  айыл өкмөт аймагындагы жайыт пайдалануучулар бирикмесинин ишмердүүлүгү токтотулуп,  жайыт пайдалануучулар бирикмесинин мүлкү, иш кагаздары жана ишмердүүлүк милдетин “Исфайрам” муниципалдык ишканасына өткөрүп берүүгө макулдук берилсин.

1. Токтом реестрге кирген күндөн тартып күчүнө кирет.

3.      Токтом А.Масалиев айыл өкмөтүнүн masaliev-ao.gov.kg расмий сайтына жарыяланып мамлекеттик реестрге киргизүү жана каттоо үчүн Баткен областык юстиция башкармалыгына жөнөтүлсүн.

4.   Токтомдун аткарылышын көзөмөлдөө жагы  А.Масалиев айылдык  кеңешинин айыл чарба  жана мыйзамдуулук  боюнча туруктуу комиссияларына жүктөлсүн.