ӨЗГӨН ШААРДЫК КЕҢЕШИ

ТОКТОМ

Өзгөн шаардык кеңешинин (VIII- чакырылышынын) кезектеги XV сессиясы

2025-жылдын 23-декабры № 15/3

Өзгөн шаардык мэриясынын муниципалдык менчигиндеги 2190 м² жер тилкесин Мамлекеттик салык кызматынын Ош облусунун Өзгөн району боюнча башкармалыгына оперативдүү башкаруусуна берүү жөнүндө

Кыргыз Республикасынын Жер кодексине, Кыргыз Республикасынын “Жергиликтүү мамлекеттик администрация жана өз алдынча башкаруу органдары жөнүндө” мыйзамына ылайык Өзгөн шаардык кеңешинин «Муниципалдык менчик, акы төлөп кызмат көрсөтүү жана жер маселелери боюнча» туруктуу комиссияларынын 2025-жылдын 19-декабрындагы №_6_ отурумунун чечимин эске алып, Өзгөн шаардык кеңеши,

ТОКТОМ КЫЛАТ:

1. Өзгөн шаарынын Борбор кварталында жайгашкан Өзгөн шаарынын муниципалдык менчигиндеги бош турган 2190 м² жер тилкесин Мамлекеттик салык кызматынын Ош облусунун Өзгөн району боюнча башкармалыгына оперативдүү башкарууга берүүгө макулдук берилсин.

2. Токтомду мыйзам чегинде аткарууга алуу жагы Өзгөн шаардык мэриясынын алдындагы МММБ департаментинин директору М.Койчукуловго, аны көзөмөлдөө Өзгөн шаарынын мэри Э.Таевге милдеттендирилсин.

3. Токтомдун аткарылышын көзөмөлдөө жагы «Муниципалдык менчик, акы төлөп кызмат көрсөтүү жана жер маселелери боюнча» туруктуу комиссиясына тапшырылсын.