БАШ-БУЛАК АЙЫЛДЫК КЕҢЕШИ

ТОКТОМ

Баш-Булак айыл аймагынын айылдык кеңешинин кезектеги XIII сессиясы

2026-жылдын 26-февралы № 13/1

Баш-Булак айыл аймагында сыйлоо тартиби жөнүндөгү ички жобону бекитүү тууралуу

Баш-Булак айыл аймагынын социалдык-экономикалык, маданий жана билим берүү тармагына өзгөчө салым кошкон жарандарды, мекеме-уюмдардын кызматкерлерин, жергиликтүү кеңештин депутаттарын, айыл өкмөтүнүн аппаратын жана айыл башчыларын моралдык жана материалдык жактан стимулдаштыруу, ошондой эле сыйлоо иштеринин ачык-айкындуулугун жана калыстыгын камсыз кылуу максатында, «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Кыргыз Республикасынын Мыйзамына таянып, Баш-Булак айылдык кеңеши

ТОКТОМ КЫЛАТ:

1. Баш-Булак айыл аймагында сыйлоо тартиби жөнүндөгү ички Жобо тиркемеге ылайык бекитилсин.

2. Баш-Булак айыл өкмөтүнүн башчысына:

1. Сыйлоо иштерин аталган Жобонун негизинде жүргүзүү жагы тапшырылсын;

2. Талапкерлерди кароо үчүн тийиштүү адистерден жана депутаттардан турган «Сыйлоо комиссиясынын» курамын тескеме менен бекитсин;

3. Жыл сайын жергиликтүү бюджетти бекитүүдө «Сыйлоо жана маданий иш-чаралар» беренеси боюнча тийиштүү каражаттарды карасын.

3.Бул токтомдун аткарылышын көзөмөлдөө жагы айылдык кеңештин жаштар, спорт, маданият жана социалдык маселелер боюнча туруктуу комиссиясына жүктөлсүн.

4. Ушул токтом Кыргыз Республикасынын ченемдик укуктук актыларынын Мамлекеттик реестрине киргизилген күндөн тартып күчүнө кирет.