Мады айылдык кеңешинин VIII чакырылышынын кезектеги 13-сессиясы

ТОКТОМУ

 2026-жылдын 29-январы, №13/3                         

“Мады айыл өкмөтүнүн Кыргыз-Чек жана Асан-Чек айылдарында жүргүнчүлөрдү ташуучу №49 муниципалдык автобустук каттамынын жол акысын көтөрүү жөнүндө”

       Кыргыз Республикасынын “Жергиликтүү мамлекеттик администрациясы жана жергиликтүү өз алдынча башкаруу органдары жөнүндө” мыйзамынын 34-беренесинин 11-1 пунктунун жана Мады айыл өкмөтүнүн Кыргыз-Чек жана Асан-Чек айылдарында жүргүнчүлөрдү ташуучу №49 муниципалдык автобустук каттамынын жол акысын көтөрүп берүү жөнүндөгү Ош шаардык муниципалдык автоунаа ишканасынын 2025-жылдын 17-ноябрь №01-6/280 сандуу билдирүү катынын жана мыйзамдуулук укук, тартипти сактоо, регламент, депутаттык этика жана мандат боюнча депутаттык туруктуу комиссиянын 2026-жылдын 22-январындагы отурумунун чечиминин негизинде Мады айылдык кеңеши угуп жана талкуулап токтом кылат:

1. 2026-жылдын 1-февралынан тартып Кыргыз-Чек, Асан-Чек айылдарындагы №49 муниципалдык автобустук каттамынын жол акысы төмөнкү өлчөмдө бекитилсин:

- Кыргыз-Чек, Асан-Чек–Ош багыты боюнча накталай төлөм– 25 (жыйырма беш) сом.

Окуучуларга:

- Кыргыз-Чек, Асан-Чек – Ош багыты боюнча накталай төлөм – 10 (он) сом.

- Накталай эмес (QR-код) аркылуу төлөм: чоңдор үчүн – 20 (жыйырма) сом,

окуучулар үчүн – 7 (жети) сом.

2. Жүргүнчүлөрдү тейлөөнүн сапатын жакшыртуу максатында автобустардын

санын көбөйтүү жана каттамдар арасындагы аралык (интервал) 10 мүнөттөн ашпашын милдеттүү түрдө камсыз кылып, жүргүнчүлөрдүн агымы көп болгон мезгилде эртең мененки саат 7:00дөн 9:00гө чейин, кечки саат 17:00дөн 19:00гө чейин аралыкты (интервал) 5 мүнөткө чейин кыскартуу менен жүргүнчүлөрдү тейлөөнүн үзгүлтүксүз жүргүзүлүшүн камсыз кылуу №49 муниципалдык автобустук каттамынын жетекчисине жүктөлсүн.

3. Шаарга барып окуган окуучуларды окуу мезгилинде ар дайым токтоп

алып кетүүсү милдеттендирилсин.

4. Бул токтомдун 3 пунктунун талаптарын аткарбаган айдоочуларга мыйзам

чегинде чара көрүлөрү эскертилсин.

5. Бул токтомдун аткарылышын көзөмөлдөө жагы айылдык кеңештин

мыйзамдуулук укук, тартипти сактоо, регламент, депутаттык этика, мандат боюнча депутаттык туруктуу комиссияга жүктөлсүн.