КАРА-БАЛТА ШААРДЫК КЕҢЕШИНИН ТОКТОМУ

2026-жылдын 12-марты № 09

Кара-Балта шаарынын 2025-жылдагы бюджетинин аткарылышы жөнүндө

Кыргыз Республикасынын Бюджеттик кодексинин 78-беренесине, “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Кыргыз Республикасынын Мыйзамынын 34-беренесине ылайык, “Кара-Балта шаарынын 2025-жылдагы бюджетинин аткарылышы жөнүндө” Кара-Балта шаарынын мэриясынын отчетун угуп, Кара-Балта шаардык кеңешинин сессиясы токтом кылат:

1. Кара-Балта шаарынын 2025-жылдагы бюджетин аткаруу боюнча Кара-Балта шаардык мэриясынын иши канааттандырарлык эмес деп табылсын.

2. Кара-Балта шаарынын мэри-А.К. Исаков,:

- Кара-Балта шаарынын 2025-жылдагы бюджетинин канааттандырарлык эмес аткарылышы үчүн Кара-Балта шаарынын мэриясынын жана түзүмдүк бөлүмдөрүнүн кызматкерлеринин жеке жоопкерчилиги каралсын.

- Кара-Балта шаарынын мэриясынын жана түзүмдүк бөлүмдөрүнүн кызматкерлеринин функционалдык милдеттерин сапаттуу жана өз убагында аткарууну камсыз кылуу боюнча зарыл чараларды көрсүн.

- көрүлгөн чаралар жөнүндө бир айлык мөөнөттө Кара-Балта шаардык кеңешине маалымдалсын.

3. Бул токтом Кыргыз Республикасынын ченемдик укуктук актыларынын мамлекеттик реестрине киргизүү үчүн Кыргыз Республикасынын Юстиция министрлигине жөнөтүлсүн.

4. Бул токтомдун аткарылыш көзөмөлүн өзүмө калтырам.