ОНБИР-ЖЫЛГА АЙЫЛ АЙМАГЫНЫН АЙЫЛДЫК КЕҢЕШИ ТОКТОМ

2025-жылдын 16-июну № 34

Прогресс айылынын Маргеис-Ата көчөсүндөгү өндүрүш базасынын жер тилкесин Онбир-Жылга айыл өкмөтүнүн балансына өткөрүп берүү жөнүндө

Кыргыз Республикасынын Жер кодексинин 18- беренесине ылайык, Кыргыз Республикасынын «Жергиликтүү мамлекеттик жана жергиликтүү өз алдынча башкаруу органдары жөнүндө» Мыйзамынын 34-беренесин жетекчиликке алып Онбир-Жылга Айылдык Кеңеши,

ТОКТОМ КЫЛАТ:

1.Онбир-Жылга айыл өкмөтүнүн аймагындагы Прогресс айылынын тургуну Клычпаев Жумабек Омуркуловичке 2003-жылдын 15-июлундагы №37-т токтомунун негизинде берилген, Прогресс айылынын Маргеис-Ата көчөсүндө жайгашкан эски өндүрүштүк базаны жеке менчик катарында колдонуп жүргөн 11544м² жер тилкесин ОсОО «Токтом плюс» жоопкерчилиги чектелген коомчулугу тарабынан баланстык баасы 20883096 (жыйырма миллион сегиз жүз  сексен үч миң токсон алты)   сом, жана АКШ доллары менен 238800 $ ( эки жүз отуз сегиз миң сегиз жүз ) долларды түзгөн гаражды өз каалоосу менен арызынын негизинде Онбир-Жылга айыл өкмөтүнүн балансына өткөрүлүп берилсин.

2.Ушул токтом Кыргыз Республикасынын Юстиция башкармалыгынан катоодон өткөрүлсүн

3.Ушул токтомдун аткарылышынын  көзөмөлдөө жагы  Онбир-Жылга айыл өкмөтүнүн башчысы  - Н.А.Исаевге жүктөлсүн.