МИҢ-БУЛАК АЙЫЛ АЙМАГЫНЫН АЙЫЛДЫК КЕҢЕШИ

ТОКТОМ

2025-жылдын 12-сентябры № 92

Миң-Булак айыл аймагынын калктуу конуштарынан таштандыларды чыгаруу үчүн чогултулуучу жыйымдын өлчөмүн 2026-жылга бекитүү жөнүндө

Кыргыз Республикасынын 2021-жылдын 20-октябрындагы №123 «Жергиликтүү мамлекеттик администрация жана жергиликтүү өз алдынча башкаруу жөнүндө» Мыйзамынын 34-беренесине, Кыргыз Республикасынын Салыктык эмес кирешелер жөнүндө кодексинин 24-главасына ылайык, айыл өкмөтүнүн кирешелер боюнча башкы адиси М.И.Ягузанын маалыматын угуп, 2025-жылдын 12-сентябрындагы айылдык кенештин бюджет, финансы, инвестициялар жана гранттык долбоорлор боюнча туруктуу комиссиясынын корутундусунун негизинде, Миң-Булак айыл аймагынын кенешинин сессиясы

ТОКТОМ КЫЛАТ:

1. Таштандыларды чыгаруу үчүн жыйымдын өлчөмүн 100 (жүз) сом өлчөмүндө белгиленсин:

• юридикалык жактарга

•          жеке ишкерлерге

• ишкердик иш жүргүзүү үчүн пайдаланып жаткан имараттардын ээлерине.

Төлөө мөөнөтү жана эсептерди тапшыруу мөөнөтү 2026-жылдын 1-апрелине чейин деп аныкталсын.

2. Миң-Булак айыл өкмөтү бекитилген жыйымдын өлчөмдөрү тууралуу маалыматты айыл аймактагы тургундарга жеткирсин.

3. Ушул токтомдун аткарылышын көзөмөлдөө айылдык кенештин бюджет, финансы, инвестициялар жана гранттык долбоорлор боюнча туруктуу комиссиясына жүктөлсүн.