БАЗАР-КОРГОН ШААРДЫК КЕҢЕШИ

ТОКТОМ

Базар-Коргон Шаардык кеңешинин II чакырылышынын

кезектеги XVI сессиясынын

2026-жылдын 2-апрелиндеги № 13

Базар-Коргон шаардык кеңешинин II-чакырылышынын кезексиз IX-сессиясынын №5-токтомуна өзгөртүү киргизүү жөнүндө

Кыргыз Республикасынын ченемдик-укуктук актылары жөнүндө” мыйзамынын 17-беренесин жана Базар-Коргон шаардык кеңешинин Регламентинин 34-беренесин аткарууга алып, Базар-Коргон шаарынын мэриясынын алдындагы “муниципалдык менчикти башкаруу” боюнча департаментинин жетекчиси А.Маматкалыковдун 03.02.2026ж. №01-4/43 сандуу катына жана Базар-Коргон шаардык кеңешинин агрардык, айыл-чарба, муниципалдык, жайыт жерлер, архитектура, курулуш, кадастр, экология боюнча туруктуу комиссиясынын корутундусуна негиз, депутаттардын сунуш пикирлерин эске алып, Базар-Коргон шаардык кеңешинин II-чакырылышынын XVI-сессиясы

ТОКТОМ КЫЛАТ:      

1.Базар-Коргон шаардык кеңешинин II-чакырылышынын кезексиз IX-сессиясынын №5-токтомунун 1-пунктуна төмөнкүдөй өзгөртүү киргизилсин.

2.Базар-Коргон шаарынын Разия участкасына мечит куруу үчүн 3-02-03-0027-0257 сыр белгиси менен 600,0 чарчы метр жер тилкеси катталган Б.Т. Тохтахуновдун ордуна Базар-Коргон шаарына караштуу Мирзалиев көчөсүнүн тургуну Хожибаева Дилдора Юнусжановнага таандык 3-02-03-0027-0257 идентификациялык сыр белгиси жана Ч №864988 сандуу мамлекеттик актысы менен катталган 600,0 чарчы метр жер тилкесин өз ыктыяры менен муниципалдык менчик реестрине тиркемеге ылайык алынсын. Тиркеме №1 тиркелет

3.Токтомду аткаруу жагы Базар-Коргон шаарынын мэринин убактылуу милдетин аткаруучу Т.С.Исаевге жүктөлсүн.

4.Бул токтомдун аткарылышын көзөмөлдөө жагы Базар-Коргон шаардык кеңешинин агрардык, айыл-чарба, муниципалдык, жайыт жерлер, архитектура, курулуш, кадастр, экология боюнча туруктуу комиссиясынын төрагасы Д. Юсуповго милдеттендирилсин.