ОРГОЧОР  АЙЫЛ АЙМАГЫНЫН ЖЕРГИЛИКТҮҮ КЕНЕШИНИН                                  

I- ЧАКЫРЫЛЫШЫНЫН  №18 - КЕЗЕКТЕГИ  СЕССИЯСЫ

ТОКТОМ

2026-жылдын  08-апрель №127        

Чоӊ-Кызыл-Суу айылынын жаӊы конушундагы 3 көчөгө 

Ысым берүү  жөнүндө

Кыргыз Республикасынын 1997-жылдын 25-сентябры №67 “Кыргыз Республикасындагы географиялык аталыштар жөнүндө” Мыйзамына ылайык, Оргочор жергиликтүү кеӊешинин депутаты Т.Тотубаевдин билдирүүлөрү угулуп жана талкууланып жергиликтүү кеңеш токтом кылат:

1. Чоӊ-Кызыл-Суу айылынын жаӊы конуштарынын тургундарынын көчөлөргө ат коюу боюнча жыйынынын протоколу эске алынсын.

1. Чоӊ-Кызыл-Суу айылынын Жаӊы конушундагы 1-көчөсүнө  “Акай”, 2- көчөсүнө “Ак-Дил”, 3-көчөсүнө “Келечек” деп ат коюуга макулдук берилсин.

1. Акай, Ак-Дил, Келечек деп ат коюлган  көчөлөрдөгү ар бир үйгө көчөнүн аталышы жана номер тагылган табличкаларды жасатып тагуу, ошондой эле көчөнү көрктөндүрүү, жарыктандыруу, жашылдандыруу жана санитардык тазалоо иштерин көзөмөлгө алуу жагы   жаӊы конуштун тургундарына  тапшырылат.

1. Ушул токтомду Кыргыз Республикасынын Министрлер Кабинетине караштуу Мамлекеттик кызмат жана жергиликтүү ѳз алдынча башкаруу иштери боюнча мамлекеттик агенттигинин расмий веб сайтына жарыялоого тиешелүү электрондук иш кагаздарын жиберүүгѳ жана юстиция органына мамлекеттик реестрге киргизүү үчүн иш кагаздарын алып баруу жагы жергиликтүү кенешинин жооптуу катчысы Э.Тариеловага тапшырылсын.

1. Токтомдун аткарылышын  көзөмөлдөө жагы жергиликтүү кеңешинин “Социалдык маселелер ” боюнча туруктуу комиссиясына  жана  айыл өкмөтүнө  жүктөлсүн.

         Төрага           А.Тыныбеков