РАЗЗАКОВ ШААРДЫК КЕӉЕШИ

ТОКТОМ

РАЗЗАКОВ ШААРДЫК КЕҢЕШИНИН

(кезектеги XVII сессия)

2026-жылдын 27-февралы №8

Раззаков шаардык Кеңешинин 2025-жылдын 17-ноябрындагы №5 токтомуна өзгөртүү жана толуктоолорду киргизүү жөнүндө.

Раззаков шаарынын мэриясынын “Раззаков шаардык Кеңешинин 2025-жылдын 17-ноябрындагы №5 токтомуна өзгөртүү жана толуктоолорду киргизүү жөнүндө” сунушун угуп жана талкуулап Кыргыз Республикасынын “Ченемдик укуктук актылары жөнүндө”Мыйзамынын 17-беренесине ылайык Раззаков шаардык Кеңеши токтом кылат:

1. Раззаков шаардык Кеңешинин 2025-жылдын 17-ноябрындагы №5 токтомунун 1-пунктунун 1,2,3,4,5-пунктчаларына өзгөртүү толуктоолор киргизилип төмөнкүдөй редакцияда баяндалсын: 

           1. “Ак-Босого айылында жана Раззаков шаарынын Жаңы конуш-2 көчөсүндө балдар ойноочу аянтчаларды куруу” долбоору. Жалпы болжолдуу бюджети 7 825 408 сом, а.и. суралуучу  сумма 5 000 000сом жана жергиликтүү бюджеттен өздүк салым 2 825 408 сом.

          2.“И.Раззаков көчөсүндө асфальтталган жолдун 280метр аралыгын жана тротуарларын  

оңдоо” долбоору. Жалпы болжолдуу бюджети 9 725 899 сом, суралуучу сумма 5 000 000  

сом жана жергиликтүү бюджеттен өздүк салым 4 725 899 сом.

            3.“Ж.Исаев көчөсүндө асфальтталган жолду жана тротуарларын оңдоо” Жалпы болжолдуу  бюджети 10 311 872 сом, суралуучу сумма 5 000 000 сом жана жергиликтүү бюджеттен  өздүк салым 5 311 872сом.

                      4.“Раззаков шаарынын Колхозная көчөсүндө жана ага туташкан 3 көчөдө (К.Кундузов,  

            Дружба, Горький) 1297метр аралыктагы жолду оңдоо (асфальт төшөө)” Жалпы болжолдуу  

           бюджети  9 345 499 сом, суралуучу сумма 5 000 000сом жана жергиликтүү бюджеттен  

           өздүк салым  4 345 499 сом.

           5.“Алтын-Бешик айылында балдар бакчасына баруучу 291метр аралыктагы жолду оңдоо  

(асфальт төшөө) жана инфратүзүмүн абаттоо” Жалпы болжолдуу бюджети 6 096 793 сом,  суралуучу сумма 5 000 000сом жана жергиликтүү бюджеттен өздүк салым  1 096 793сом.

1. Ушул токтом шаардык Кеңештин аппаратында каттоодон өткөрүлүп, Раззаков шаардык Кеңешинин жана мэриясынын www.razzakov.gov.kg расмий сайтына жарыялансын жана Кыргыз Республикасынын Ченемдик укуктук актыларынын мамлекеттик реестрине киргизүү үчүн Баткен облусунун юстиция башкармалыгына жөнөтүлсүн.
2. Ушул токтом Кыргыз Республикасынын ченемдик укуктук актыларынын Мамлекеттик реестрине киргизилген күндөн тартып күчүнө кирет.
3. Бул токтомдун аткарылышын көзөмөлдөө жагы Раззаков шаардык Кеңешинин Кеңешинин мыйзамдуулук, башкаруу, жаштар, спорт, депутаттык этика жана коомдук уюмдар менен  иштөө боюнча туруктуу комиссиясына жүктөлсүн.